E Samschdeg ass d'Presidentin vum Staatsrot eis Invitée an der Emissioun "Background am Gespréich".

De Staatsrot wéisst genau, wat an der Ëffentlechkeet lass ass a wat d'Erausfuerderunge vum Land sinn, esou d'Presidentin vum Staatrot Agny Durdu. Si war e Samschdeg de Mëtteg Invité an der Emissioun Background am Gespréich. De Staatsrot géif sech och dacks mat der Regierung respektiv den Deputéierten iwwert verschidden Dossieren ausgetauschen. Eng Zesummenaarbecht, déi vill Wäert wier, an déi een der Agny Durdu no nach weider kéint ausbauen.

Extrait Agny Durdu (1)

Wat d'Aarbecht vum Staatsrot ugeet, géif ee sech Méi ginn, esou séier wéi méiglech ze schaffen. Ma et misst natierlech assuréiert ginn, dass eng seriö Aarbecht gemaach gëtt. Et géif sech duerchaus un enger Prioritéitelëscht vun der Regierung orientéieren, an déi Texter da virhuelen.

Extrait Agny Durdu (3)

Un d’Staatsrotspresidentin war et natierlech um Dag no der Publikatioun vum Waringo-Rapport iwwert de Fonctionnement vum Haff d'Fro, wéi si dee gesäit. Dozou wollt si sech net weider Äusseren. De Xavier Bettel wäert dësen offiziell e Mëttwoch virstellen an de Staatsrot kënnt dann an d'Spill, wann nei Gesetzer sollten un Hand vum Rapport ausgeschafft ginn.

Extrait Agny Durdu (2)

D'Agny Durdu ass Affekotin, och wa se kaum nach an hirem Beruff schafft. Ausserdeem souz si fir d'DP an der Chamber a war Buergermeeschtesch vu Wëntger. Zeréck an d'Kommunalpolitik wéilt si sécher net méi goen an op nationalem Plang an d'Walen ze goen, wier aktuell och net geplangt.

Extrait Agny Durdu (5)
Background am Gespréich mam Agny Durdu

"Background am Gespréich" leeft ëmmer samschdes an der Mëttesstonn (vun 12 bis 13 Auer) op RTL Radio Lëtzebuerg an am Livestream um Internet respektiv an der App (Audio a Video). Dono ass d'Emissioun op RTL.LU zu all Ament nach eemol ze lauschteren oder ze kucken - an der Rubrik "Radio" bei Emissiounen "Background" wielen.