E Mëttwoch de Moie war de President vun der AMMD eisen Invité vun der Redaktioun.

"Mir gi mat virsiichtegem Optimissem an déi Reunioun eran."

Esou sot et den Dr. Alain Schmit um Mëttwoch de Moien als eisen Invité vun der Redaktioun.

De President vun der Doktesch-Associatioun AMMD geet dervun aus, dass et um Mëttwoch de Mëtteg, an enger Coordinatioun-Reunioun zu der Nomenclature-Kommissioun, eng Ouverture vun der CNS wäert ginn, déi derzou kéint féieren, dass d’Dokteren nees zeréck op de Verhandlungsdësch vun där Kommissioun kéimen.

Fir d’AMMD bleift et weiderhi kruzial, dass et eng strikt Paritéit muss ginn an deem Gremium, tëscht Vertrieder vun den Dokteren an der Gesondheetskeess, an dass et och en onofhängege President gëtt. Et kéint a wéilt een net an engem System funktionéieren, wou déi staatlech Kontroll géif Iwwerhand huelen.

Sollten déi Konditiounen erfëllt sinn, géif d’AMMD zeréck an d’Kommissioun kommen, sou den Alain Schmit, deen iwwerdeems net der Meenung ass, dass e Vertrieder vun der FHL, also vun der Spidolsfederatioun eppes do ze sichen hätt.

AUDIO: Invité vun der Redaktioun: Dr. Alain Schmit

Rendez-vous fir den Interview mam Invité vun der Redaktioun all Dag vu méindes bis freides kuerz no 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.