En Dënschdeg de Moie war den Dr. Alain Schmit eisen Invité vun der Redaktioun.

Gutt datt de Monopol vun de Spideeler fir IRMen an domadder vu ville medezineschen Apparater a Fro gestallt gouf.
Dat sot de President vun der Dokteschassociatioun AMMD, den Dr. Alain Schmit, am RTL-Interview.

D'Diskussioun ass op. Elo muss gekuckt ginn, dat juristescht mat deem ze verbannen, wat medezinesch sënnvoll ass.
Mir brauchen op alle Fall dezentral Strukturen, déi flexibel sinn, am Interessi vum Patient. Spideeler kënnen dat net sou bidden. Hei ginn et laang Delaien, Retarden asw, sou d'Kritik vum Alain Schmit.

Den annoncéierten TiersPayant bis?  
Wat Regierung do präzis wëll, wier net kloer, sou de President vun der AMMD. Den Alain Schmit verweist do léiwer op eng App déi d'AMMD rezent virgestallt huet, an déi e Remboursemente immédiat ubitt.

D'Kritik vun der Escher LSAP-Conseillere Vera Spautz am Kontext Südspidol dann:

Et wier eng absolut Frechheet, wat d'Vera Spautz an de Raum stellt, wa si behaapt do wier eng Dokterlobby um Wierk, déi eng zwou Klasse-Medezin wéilt.

Eng Zwou-Klasse Medezin hätt een elo schonn, wa Leit fir en IRM missten op Tréier fueren. An dat wiere keng Politiker, well déi hätten Telefonsnummeren, fir an de Gesondheetssystem hei am Land eran ze kommen, sou nach den Dr. Alain Schmit, President vun der Dokteschassociatioun AMMD.

Invité vun der Redaktioun: Dr Alain Schmit

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.