En Donneschdeg de Moie war de Jeff Engelen eisen Invité vun der Redaktioun.

Am éischte Joer, do muss ee sech aschaffen. Dat ass mer gelongen, sot de Jeff Engelen um Donneschdeg de Moien als eisen Invité vun der Redaktioun.

Den Nord-Deputéierten ass elo zanter engem gudde Joer fir d’ADR an der Chamber.

De Wuesstemsmodell huet de Jeff Engelen zesumme mam Stau op eise Stroossen als déi gréisste Problemer den Ament am Land bezeechent.

Verschidde Regierungsmesuren hätten de klenge Leit d’Liewe méi schwiereg gemaach.

Den ominéise Post vum Sylvie Mischel huet den Deputéierten als e bëssen onglécklech bezeechent. D’Affär wier awer eng "al Kamell an ofgeschloss". Dat Ganzt wier propper geléist ginn.

Et géif och absolut keng Tendenz op de Rietse Bord vun der ADR ginn, och wa verschidde Stëmmen dat ëmmer nees géife behaapten.

Invité vun der Redaktioun: Jeff Engelen

Rendez-vous fir den Interview mam Invité vun der Redaktioun all Dag vu méindes bis freides um 10 op 8 op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op der App ass d'Emissioun dono och am Replay ze fannen.