Dës Saison fiert den italienesche Moto-Star seng lescht Saison.

De Valentino Rossi zitt no dëser Saison ee Schlussstréch ënnert seng Karriär. Dat huet hien offiziell op enger Pressekonferenz zu Spielberg an Éisträich matgedeelt.

9 Mol war hie Weltmeeschter, dovunner 7 Mol an der Kinneksklass vum Motorradssport.

Den Italiener mat der legendärer Nummer 46 huet a senger Karriär 115 Course an de verschiddene Klasse vun der Weltmeeschterschaft gewonnen a stoung 65 Mol op der Pole Position.

Mat 42 Joer geet de Valentino Rossi elo a seng sportlech Pensioun.