Den Duell tëscht dem Verstappen an dem Hamilton huet sech zougespëtzt an et ass zur Beréierung tëscht béide Fuerer komm. Béid Fuerer sinn elo punktgläich.

Eng immens spannend an nervenopreiwend d'Course hunn d'Spectateuren a Saudi-Arabien gesinn.

De WM-Kampf tëscht dem Lewis Hamilton an dem Max Verstappen huet sech zougespëtzt an et ass zu Beréierung tëscht béide Fuerer komm.

An der Nuecht op e Méindeg hunn Stewards dunn Decisioun geholl dass de Max Verstappen fir säin haarde Bremsmanöver nodréiglech eng Zäitstrof vun 10 Sekonne kritt. Dëst sollt um Resultat awer näischt méi änneren, sou dass de Lewis Hamilton virum Verstappen an dem Bottas de GP zu Saudi Arabien fir sech entscheeden konnt.

Domat hunn den Verstappen an den Hamilton Gläich vill Punkten an Decisioun em de WM Titel fält an der leschter Course.

Formel 1 no Saudi-Arabien/Reportage Franky Hippert

Resumé

De Start huet de Lewis Hamilton souverän gewonnen an ass virum Valteri Bottas a Max Verstappen an déi 1. Kéier gaangen. Nom Crash vum Mick Schumacher an der 10. Ronn huet de Safety Car dunn missen op d'Stréck kommen. D'Course gouf fir eng 1. Kéier ënnerbrach.

Nom Restart ass et zum Crash komm tëscht dem Mazepin an dem Leclerc. D'Course huet erëm misste gestoppt ginn. Wat awer fir de WM-Krimi vill méi interessant ass, dass de Verstappen an der 1. Kéier sech e Virdeel verschaaft am Verglach zum Hamilton.

No Verhandlungen tëscht der FIA, Mercedes a Red Bull ass beim Restart den Ocon (dee béid Fuerer am Kuddelmuddel an der 1. Kéier iwwerholl hat) vun der 1. Plaz fortgefuer, virum Hamilton a Verstappen. Kuriéis Szenen!

Nom zweete Restart huet de Verstappen volle Risiko geholl, ass laanscht den Hamilton an Ocon gezunn a konnt sech banne Sekonne vun der drëtter op déi 1. Plaz no fir kämpfen.

12 Ronne viru Schluss huet de Lewis Hamilton zur Attack ugesat. An nees ass et bal zu Beréierung komm tëscht béid Fuerer. De Verstappen ass vun der Streck ofkomm, huet Stréck ofgekierzt, an sech e Virdeel verschaaft. (Doropshi krut de Verstappen e puer Minutte méi spéit eng 5 Sekonne Strof). E Brochdeel dono huet de Verstappen den Hamilton ausgebremst an de Britt ass op den Hollänner opgefuer. Geckeg Biller, déi een um Sonndeg gesi krut.

Um Enn kann den Hamilton laanscht de Verstappen zéien a gewënnt d'Course a Saudi-Arabien virum Max Verstappen an dem Bottas.