Manchester City léisst weider wichteg Punkte leien a verléiert iwwerraschent mat 0:2 géint Wolverhampton.

Och an de weideren europäeschen Divisioune gouf fir de Championnat gespillt.

Bundesliga

Frankfurt 2:2 Bremen
0:1 Klaassen (27'), 1:1 Rode (55'), 2:1 Silva (88'), 2:2 Rashica (90+1')

Bremen konnt zu Frankfurt an der 27. Minutt a Féierung goen, dëst duerch den Davy Klaassen. Nodeems de Rode an der 55. Minutt ausgläiche konnt war et de Silva, deen an der 88. Minutt d'Féierung fir d'Eintracht schéisse konnt. Dëse Gol sollt um Enn awer net fir d'Victoire duergoen, dëst well de Rashica an der Nospillzäit nach ausgläiche konnt.

Gladbach 5:1 Augsburg
1:0 Zakaria (2'), 2:0 Herrmann (8'), 3:0 Herrmann (13'), 4:0 Plea (39'), 4:1 Niederlechner (80'), 5:1 Embolo (83')

Gladbach hat d'Chance, sech mat enger Victoire un d'Spëtzt vum däitsche Championnat ze setzen. A sou sinn d'Haushären och an de Match gaangen. No nëmmen 2 Minutte konnt den Zakaria Gladbach a Féierung bréngen, dëst éier den Herrmann an der 8. Minutt schonn op 2:0 stelle konnt. Nodeems den Herrmann an der 13. Minutt mat sengem zweete perséinleche Gol op 3:0 gestallt hat, huet alles op eng kloer Victoire fir Gladbach gedeit.
Nach virun der paus konnt de Plea an der 39. Minutt fir d'Entscheedung suergen.

Nom Säitewiessel hat et bis zur 80. Minutt gedauert, éiert de Niederlechner fir eng Reaktioun op der säit vun de Gäscht suerge konnt. De Schlusspunkt war dann awer op en Neits fir déi Gladbachen, dëst a Persoun vum Embolo, dee fir d'5:1-Victoire suerge konnt.

Wolfsburg 1:0 Union Berlin
1:0 Weghorst (69')

Premier League

Arsenal 1:0 Bournemouth
1:0 Luiz (9')

Manchester City 0:2 Wolverhampton
0:1 Traore (80'), 0:2 Traore (90+4')

Fir den Topfavorit aus Manchester gouf et eng hefteg Enttäuschung an der englescher Premier League. Trotz extrem vill Ballbesëtz an engem Plus u Geleeënheete konnt d'Ekipp vum Pep Guardiola net markéieren. Besser hat den Traore et dogéint gemaach. Hie konnt Wolverhampton mat sengen zwee Goler an der 80. an an der Nospillzäit zu dräi ganz wichtege Punkte féieren.

Newcastle 1:0 Manchester United

Fir Manchester United geet et an der englecher Premier League iwwerdeems ëmmer weider Bierg erof. Géint Newcastle, déi ëm de Maintien kämpfe gouf et eng 0:1-Néierlag. De Gol vum Dag konnt de Logstaff an der 72. Minutt markéieren. Soumat steet ManU no 8 Spilldeeg op der enttäuschender 12. Tabelleplaz.

LaLiga

Valladolid 0:0 Atlético Madrid

Fir Atlético Madrid gouf et zu Valladolid een enttäuschend 0:0. Dobäi haten d'Männer aus der spuenescher Haaptstad an der 36. Minutt Chance, dass de Ramirez aus 11-Meter net fir Valladolid markéiere konnt.

Ligue 1

Lille 2:2 Nimes
1:0 Remy (12'), 1:1 Ripart (45+5'), 1:2 Denkey (71'), 2:2 Osimhen (79')

Fir d'Ekipp vum Lëtzebuerger Geschäftsmann Gérard Lopes gouf et géint Nimes just 1 Punkt. Nodeems de Remy Lille mat 1:0 a Féierung brénge konnt, war et an der Nospillzäit vun der éischter Hallschent de Ripart, dee fir Nimes ausgeglach hat. No der Paus konnt Nimes an der 72. Minutt dann iwwerraschend de Score dréinen. Den Demkey konnt hei markéieren. Um Enn war et den Osimhen, dee fir Lille ee Punkt rette konnt.

Serie A

Atalanta 3:1 Lecce

Atalanta kann duerch eng 3:1-Victoire den Uschloss un d'Spëtzt an Italien halen. Den Zapata hat de Score an der 35. Minutt opgemaach, éiert de Gomez nach virun der Paus op 2:0 stelle konnt. Och no der Paus hat Atalanta näischt ubrenne gelooss a sou konnt de Gosens an der 56. Minutt den 3:0 markéieren. Dem Lucioni war an der 86. Minutt nëmme nach den Uschloss gelongen.