D'Arantia huet an engem serréierte Match sech konnten zu Steesel behaapten a Walfer gewënnt verdéngt zu Stadbriedemes.

An der Total League am Basket-Championnat stoung um Sonndeg bei den Dammen an den Hären de kompletten 3. Spilldag um Programm. Bei den Damme kann sech Musel Pikes no Verlängerung géint Contern duerch setzen.

Hären-Basket

Amicale Steesel - Arantia Fiels 75:80
D'Lescht Joer huet Fiels nach 2 Mol géint Steesel gewonnen, ma wollt d'Lokalekipp et um Sonndeg besser maachen. No 5 Minutte war Steesel op 11:8 fir. Si hu vill Bëss gewisen, a sech net hänke gelooss. Den zweete Véierel huet Steesel ouni Amerikaner ugefaangen an esou d'Féierung aus der Hand ginn an d'Heemekipp missen engem Retard hannen drun lafen. An der Paus stoung et 38:39 fir d'Fiels.

Béid Ekippen hunn net vill vu bausse getraff an esou ëmmer erëm de Wee ënnert de Kuerf gesicht. Am 3. Véierel huet Fiels en 11:0 geschoss an domat de Kommando iwwerholl an dëser Partie. D'Avance sollt wuel nach emol wackelen, dat well Steesel un 3 Punkten dru komm ass, mä d'Fiels sollt sech um Enn dach mat 80:75 duerchsetzen.

D'Fiels gewënnt zu Steese
Fiels hat um Enn de längeren Otem.

Musel Pikes - Résidence Walfer 80:94

Walfer huet immens gutt zesumme gespillt, a souwuel d'Amerikaner, wéi och d'Lëtzebuerger, hunn iwwerzeegt. Ganzer 9 Spiller hu bei de Gäscht Punkte konnte markéieren. Bei béiden Ekippe war de Kampf an de Wellen do, wat de Match immens intensiv gemaach huet. D'Pikes, déi tëschenzäitlech ouni Ami gespillt hunn, louchen awer an der Paus schonn's mat 38:52 am Réckstand.

Dat virun allem, well Walfer et och an der zweeter Hallschent fäerdeg bruecht huet, virun allem den Tom Welter aus dem Spill ze huelen. Dëst huet dozou gefouert, dass d'Miseler net wierklech zu hirem Spill fonnt hunn. Walfer war dogéint immens flénk, hat ëmmer eng passend Äntwert parat a gewënnt schlussendlech verdéngt mat 94:80zu Stadbriedemes.

AB Contern - T71 Diddeleng 86:90

Sparta Bartreng - US Hiefenech 75:85

Basket Esch - Telstar Hesper 86:64

Racing - Etzella Ettelbréck 82:93

Dammen-Basket

Etzella Ettelbréck - Résidence Walfer 65:64

Eng ganz spannend Partie hunn d'Spectateuren zu Ettelbréck gesinn. Béid Ekippen hu sech näischt geschenkt, an esou stoung et an der Paus 32:27 fir Damme vun der Etzella. Virum leschte Véierel stoung et 48:48. An enger ganz spannender Schlussphas hat d'Lokalekipp déi besser Nerven a gewënnt mat 65:64.

AB Contern - Musel Pikes 83:87

Contern louch wuel de ganze Match iwwer ëmmer mat 4-5 Punkte vir, ma no 40. Minutte sollt de Score dunn awer 77:77 uweisen. Domat huet d'Entscheedung missen an der Verlängerung falen. An hei haten d'Gäscht vun der Musel de längeren Otem a wanne mat 87:83 zu Contern.

Gréngewald - Sparta Bartreng 111:56

T71 Diddeleng - Amicale Steesel 81:62

Nationale 2