Als Reaktioun op d’Situatioun zu Déifferdeng, wou d’Gemeng just Futtballmatcher erlaabt, wa béid Ekippe getest goufen, huet d’Lëtzebuerger Futtballfederatioun elo decidéiert, all d’Matcher vun dësem Weekend ofzesoen. U sech sollt d’BGL-Ligue bei den Dammen an Hären jo erëm ufänken. D’Matcher ginn op engem spéideren Datum nogeholl.
D’FLF probéiert an den nächsten Deeg zesumme mam Sportsministère an de concernéierte Clibb eng Léisung ze fannen, fir d’Matcher kënnen ausgedroe ginn.
