E Sonndeg den Owend huet sech am Sport op der Tëlee alles ëm d'Lëtzebuerger, déi sech fir Tokio qualifizéiert hunn, gedréint.

Vum 23. Juli bis den 8. August sinn zu Tokio d'Olympesch Summerspiller. Mat dobäi ass och nees eng Lëtzebuerger Delegatioun. D'Team Lëtzebuerg besteet aus 12 Sportler a Sportlerinnen, déi sech qualifizéiert hunn.

An der Sportemissioun op RTL Télé Lëtzebuerg goufen e Sonndeg vun 20 Auer un ënnert anerem Portraite vun de Lëtzebuerger Sportler a Sportlerinne gewisen an de President vum Lëtzebuerger Olympesche Comité André Hoffmann an den techneschen Direkter vum COSL Heinz Thews waren am Interview.

Den Iwwerbléck vun de Lëtzebuerger Sportler a Sportlerinnen zu Tokio:

Cyclissem: Christine Majerus, Michel Ries, Kevin Geniets
Liichtathletik: Bob Bertemes, Charel Grethen
Dëschtennis: Ni Xia Lian, Sarah De Nutte
Schwammen: Raphaël Stacchiotti, Julie Meynen
Reiden: Nicolas Wagner
Triathlon: Stefan Zachäus
Bouschéissen: Jeff Henckels