Am 1. Match no der Wanterpaus an der Bundesliga hat den Tabellendrëtte Leipzig den Tabelleleader an aktuelle Champion Bayern München op Besuch.

Bundesliga - 16. Spilldag

RB Leipzig - Bayern München 1:1

Et war an der 1. Hallschent en intensive Match, allerdéngs ouni vill Golchancen. De Gnabry huet 1 mol op de Potto geschoss, e Gol vum Goretzka huet net getraff, ma an der 37. Minutt huet de Choupo-Moting no Viraarbecht vum Gnabry den 1:0 geschoss fir d'Bayern. Mat deem Resultat ass et an d'Paus gaangen.

RB Leipzig ass besser aus de Kabinne komm, well et huet just bis déi 52. Minutt gedauert, bis si duerch den Halstenberg den 1:1 Ausgläich markéiere konnten.

Leipzig huet duerno méi Drock gemaach, ma et sollt hinnen net geléngen nach den 2:1 ze schéissen. De Spëtzematch vum 16. Spilldag ass deemno mat engem 1:1 op en Enn gaangen an et bleift bei 6 Punkten Differenz tëscht dem Tabelleleader Bayern an de Leipziger.

AFP Bundesliga

Coupe de France - 1/16-Finall

Olympique Marseille - Stade Rennes 1:0

Wann den Tabellendrëtten aus der Ligue 1 géint den Tabellefënneften an der Coupe de France spillt, kann een definitiv vun engem spannende Match ausgoen. Deem sollt och esou sinn. Marseille hat de besseren Depart a konnt fréi Drock ausüben, ouni awer Profit draus kënnen ze schloen. Eréischt no enger gudder hallwer Stonn konnt Rennes dofir suergen, dass de Match ausgeglach ass. Et blouf beim 0:0 an der 1. Hallschent.

An der 2. Hallschent sollt genee no enger Véierelsstonn e Ballverloscht vum Majer e Konter vum OM aleeden. Iwwert de Veretout ass de Ball beim Guendouzi gelant, deen den 1:0 markéiere konnt. Rennes hat iwwert de ganze Match liicht méi Ballbesëtz, ma just 1 kadréierte Schoss géintiwwer 3 op Säite vu Marseille. Och an der Zweekampfstatistik hat Marseille d'Nues vir mat 53% géintiwwer 47%. De Match ass duerch e knappen 1:0 zu Gonschte vu Marseille ofgepaff ginn, wouduerch si an der 1/8-Finall vun der Coupe de France stinn.

E Samschdeg sinn nach folgend Matcher:

Chambéry - Lyon
Toulouse - AC Ajaccio
Les Herbiers - St. Reims
Stade Plabennec - Grenoble
Bastia - Lorient
Racing Club de Grasse - AF Rodez
Chamalières - PFC
FCOSK06 - Angers