Beetebuerg huet 3 Punkte géint Monnerech kritt an den Ecart op déi direkt Ofstigsplaz op 8 Punkte vergréissert. Eng Victoire gouf et och fir Munneref.

Um Sonndeg war d'Suite vum 20. Spilldag an der BGL Ligue.

Ënnen of huet Beetebuerg wichteg 3 Punkte géint Monnerech kritt. D'Heemekipp konnt mat 2:1 gewannen. An der 1. Hallschent ass Monnerech séier duerch den Touré a Féierung gaangen. An der Suite hu sech béid Ekippen am Spill no vir schwéier gedoen. Kuerz virun der Paus konnt den Idha awer den 1:1 markéieren. An der 2. Hallschent huet de Gomes an der 49. Minutt d'Partie komplett gedréint. Béid Ekippen hu sech Chancen erausgespillt, et sollt awer bei der knapper Victoire fir Beetebuerg bleiwen.

Futtball-Championnat: Beetebuerg-Monnerech 2:1 (9.3.25)
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Wolz huet donieft mat 0:2 géint Munneref de Kierzere gezunn. Munneref war an der 1. Hallschent déi besser Ekipp a war verdéngt duerch de Fournier mat 1:0 am Avantage. Och nom Säitewiessel waren d'Gäscht besser an hu sech um Enn verdéngt behaapt. De Kumbi hat fir den 2. Gol gesuergt.

Um Samschdeg goufen déi aner 6 Matcher gespillt. Déifferdeng hat sech do ë.a. géint Péiteng behaapt.

Den Detail vun all de Matcher kënnt Dir am RTL-Ticker noliesen.

Den Iwwerbléck vun de Resultater mat de Goler

Beetebuerg - Monnerech 2:1
0:1 Touré (3'), 1:1 Idha (45+3'), 2:1 Gomes (49')

Wolz - Munneref 0:2
0:1 Fournier (25'), 0:2 Kumbi (60')

D'Tabell