Neie Logo, nei Schrëft an eng méi grell Giel – Opel renovéiert seng Corporate Identity

SUV ouni X

De GTX Experimental huet scho virun e puer Joer ee Virgeschmaach ginn, um Festival kann een den 22. an 23. Januar déi nei Generatioun vum Mokka gesinn. Hannert dem neien Opel-Design mat opfälleger d’Kalander “Vizor”, puristeschem Tableau a charakterstaarker Silhouette stécht modern Technik wéi déi nei IntelliLux Matrix-LED-Luuchte oder den adaptiven Tempomat. Doriwwer eraus goufen nach 120 Kilo Gewiicht agespuert. Als Mokka-e gëtt hien dann och elektresch ugedriwwen; aus Corsa an 208 ass den 136 PS-E-Motor bekannt, 322 km Autonomie ginn am Mokka versprach. An trotz 50 kWh-Batterie am Buedem soll d’Mall vun 350 Liter erhale bleiwen.

De SUV-Brudder Crossland krut am Kader vun engem Facelift dann och deen neien Opel-Look. Fuerwierk a Steierung sinn elo méi dynamesch, eng nei Traktiounskontroll suergt fir bessere Grip. Ausserdeem verschwënnt bei Mokka a Crossland den X hannert dem Numm, deen dierfen an Zukunft nach just d’SUV-Modeller mat Allradundriff droen.