E Modell mat laanger Geschicht a grousser Wichtegkeet an der Opel-Gamm gëtt ofgeléist.

Mat franséische Genen

Mam Wiessel op d’Generatioun Nummer 6 seet den Opel Corsa dann och senger GM-Plattform Äddi. Déi nei Basis deelt hie mam Peugeot 208, folleglech dann och Motoren an Technik. Den Design ass awer typesch Opel. Grouss Première an der Gamm feiert dann de Corsa-e. 136 PS an 330 Kilometer Autonomie, dat sinn déi wichtegst Donnée’en. Bis op déi extra liicht an aerodynamesch Felge fält vu baussen den Elektro-Corsa net op. Opel elektrifizéiert dann och aner Modeller; de Grandland X Hybrid kombinéiert en 200 PS-Bensinner an zwee E-Motoren a kënnt op en Total vun 300 PS an enger reng elektrescher Autonomie vun 52 km.

Fit gemaach

Astra an Insignia sinn dann zeideg fir ee Facelift; üblech sinn déi optesch Korrekturen vir an hannen, besonnesch sinn awer nei Pharen mat Matrix-LED-Technik beim Insignia. Beim Astra gouf vill un der Motorepalett geschafft, d’Bensinner sollen bis zu 19% manner CO2 erausblosen.