Fir de Festival 2022 këmmert Mazda sech ëm dee wichtegste Modell an der Gamm

Grouss Renovatioun

Wichtegst Nouvelle am groussen SUV CX-5 ass fir 2022 en neie Mazda Intelligent Drive Select, mat deem de Fuermodus ugepasst ka ginn. Donieft gouf awer och op verbesserte Confort a manner Geräischer Wäert geluecht, souwéi den Design, d’Fuerfpalett an déi eenzel Equipementsversiounen iwwerschafft.

Yaris-Zwilling

Déi grouss Iwwerraschung erwaart eis awer nom Festival an der Gamm vum Mazda 2. Nieft enger Mildhybrid-Motorisatioun fir déi aktuell Generatioun, presentéiert Mazda och ee Vollhybrid an zerwéiert sech dofir bei Toyota. Awer net nëmmen de Motor, mä direkt de ganzen Toyota Yaris gouf als Mazda 2 Hybrid ëmgebadgt. Esou sinn Technik an Design bescht bekannt a solle beim Plang, Emissioune bis 2030 ze reduzéieren, hëllefen.