Geriichtsurteel18 Joer Prisong, 8 mat Sursis, fir Mord un zwou Persounen zu Nidderkuer

De Mann vun deemools 74 Joer hat zwou Persoune virun zwee Joer am Sträit op oppener Strooss mat enger Schroutflënt erschoss.

De Parquet hat 20 Joer Prisong fir den Duebelmord gefrot. Den Ugekloten hätt d’Affer kalbliddeg exekutéiert.

7 Parteie kruten e moralesche Schuedenersatz vun tëschent 1.000 an 8.000 Euro accordéiert. An eng vun deene 7 Parties civiles soll och nach d’Fraise fir d’Begriefnes an Héicht vun 10.000 Euro guttgeheescht kréien. Déi allermeescht vun den 19 Parties civiles goufen awer als net fundéiert ofgewisen.