Eng Partie Fortschrëtter wiere gemaach ginn, mä den Text wier net kohärent an et misst nach op ville Punkten nogebessert ginn.

AUDIO: Neien Text fir Jugendschutzgesetz gefrot/Claudia Kollwelter

Den Text vum Jugendschutzgesetz soll also nei geschriwwe ginn - dat seet d'Mënschrechtskommissioun a betount gläichzäiteg, datt si d'Aarbecht, déi bis ewell op deem Gebitt gemaach gouf, géingen appreciéieren. Eng ganz Partie Fortschrëtter wiere gemaach ginn, mä et muss nogebessert ginn.

Eng Wichteg Fro wier beispillsweis déi vum Prisong. D'Positioun vun der Mënschrechtskommissioun ass kloer, ënnersträicht de President Gilbert Pregno:

"De Staat huet sëlleche Konventiounen ënnerschriwwen an oft gesot soubal d'UNISEC op ass, geet kee méi op Schraasseg. Mir ginn elo einfach dovun aus, datt dat agehale gëtt. Mir waren och ganz erschreckt, wou mer gesinn hunn, am Koalitiounsofkommes vun der jëtzeger Regierung steet, si géingen d'Bedéngungen definéiere vun den Inhaftéierungen zu Schraasseg. Do soe mir: wat soll dat doten?"

Wann eng Persoun an d'UNISEC placéiert soll ginn, steet am Text néirens, mat wéi vill Joer een dohinner kënnt, bedauert d'Deidre du Bois:

"Vu wéini u kann e Mineur wierklech responsabel gemaach ginn, fir dat wat e gemaach huet, a vu wéini u kann een dat och verstoen, datt dat falsch ass, wat e gemaach huet? Dofir ass et fir eis och ganz kloer, datt e Mineur, deen net capabel de "Discernement" ass, dat deen net dierf an d'UNISEC kommen."

Et misste kloer Grenzen am Gesetz gesat ginn. En anere wichtege Punkt, deen ëmmer erëm an der Diskussioun wier, ass deen op hei am Land en Droit pénal agefouert soll ginn, fir een deen eng Infraktioun mécht oder ee beim Gedanke vun der Protektioun soll bleiwen. D'Mënschrechtskommissioun fuerdert en Debat:

"Et soll een d'Virdeeler vun deem engen an deem aneren kucken an da soll do eng Diskussioun stattfannen an da gekuckt ginn, wéi et weidergeet. Dat kéint den Optrag vun der Regierung oder vum Minister Braz oder der Chamber sinn, fir mat de Leit, déi um Terrain sinn, dat ze thematiséieren an dann ze kucken, wat dobäi erauskënnt."

De Moment kéint een net wierklech vun engem Jugendschutzgesetz schwätzen, well ze vill penal Elementer dra sinn. De Gilbert Pregno huet awer betount, datt et wichteg ass dat weider un deem Text geschafft gëtt, well Fortschrëtter gemaach gi wieren, mä et virugoe misst.

VIDEO: De Gilbert Pregno iwwert de Jugendschutz
Et wier Zäit fir en Debat driwwer ze féieren, wéi d'Gesetz soll ausgesinn.