Post an der Stad gëtt "Lifestyle Hotel"
D'Post huet hiren neie Projet virgestallt, fir aus dem ale Post-Gebai um Aldringer, wat ënner Denkmalschutz steet, en neien Hotel ze gestalten.
No méi wéi 100 Joer huet d‘Post hire Siège 2017 um Aldringer opginn. Do, wou ee fréier an den ale Post Guicheten Timbere kaf huet, sollen an 3 Joer 5-6 Butteker opmaachen. An de Bannennhaff wäert ee mat Glas iwwerdaachte Restaurant kommen, dernieft e Bar, eng Bibliothéik. Zoustänneg fir de Bannen-Design ass d’Geraldine Dohogne, déi schonn déi al Post zu Gand an e Lifestyle-Hotel verwandelt huet.
Geraldine DOHOGNE, international Erfarung an der Hotel-Konzeptioun:
La philosophie, c’'est de redonner vie à ce bâtiment qui a été fermé pendant des années. De donner accès libre à tous les luxembourgeois, touristes, hommes et femmes d’affaires. Et donc de faire revivre le bâtiment tel qu’il était à l’époque de sa construction.
Dat war Ugangs 20. Joerhonnert. An de fréiere Büroe soll de Lifestyle-Hotel mat senge 85 Zëmmere kommen. An e coworking space, also en oppene Büroraum fir méi Entreprisen mat Reunionssäll. Am Keller ass e Wellness a Spa-Beräich geplangt. Dat aalt Gebai um Aldringer, dat ënner Denkmalschutz steet, bleift integral am Besëtz vun der Post. Déi sech awer fir de Projet mam franséischen Immobilie Conceptiouns Grupp Artéa zesummegedoen huet.
Claude STRASSER, Generaldirekter Post:
Mir investéieren awer och mat Artea zesummen an d’Transformatioun. A mir bleiwen och majoritaire an der Gesellschaft, déi di ganz Transformatioune mécht. Dat heescht, mir hunn ëmmer d’Hand drop, dat lescht Wuert an der Transformatioun. Et ass just an der Phase Exploitatioun duerno, Hotellerie Restauratioun, d’Commercen, dat wäert aus enger Hand duerno bedriwwe gi vum Grupp Artea.
50 Milliounen investéiert d’Post zesumme mat Artea an d’Ëmbauaarbechten. Fir d’Bannefinitioune rechent de franséische Grupp mat 8-12 Milliounen Euro. Zil ass et jo, mat dësem Projet eng breet Populatioun unzeschwätzen. Deementspriechend soll och kee gastronomesche Restaurant an d’Verrière kommen.
Philippe BAUDRY, PDG Artea:
Mais un restaurant classique avec tarif et un menu qui sont accessibles, on va dire un tarif familial. Et bien sûr la nature des commerces seront choisis de façon à ce qu’on n’ait pas quelque chose de trop élitiste.
Wat d’Loyerspräisser ugeet, hätt een eng raisonnabel Präispolitik, verséchert de PDG am Gespréich. Dat wär och an den Accorde mat der Post festgehal. De Bail fir d’Exploitatioun vum ale Postgebai leeft op 50 Joer. D’Aarbechte sollen nächst Joer ufänken, d’Ouverture vum Hotel des Postes ass fir 2023 geplangt.
