Wéi de Parquet matdeelt, gi 5 Persoune protokolléiert. Dorënner ënner anerem 1 wéinst Rebellioun an 1 wéinst Besëtz vu verbuedene Waffen.

D'Manifestatioun géint d'Coronareegelen, déi tëschent dem Glacis an der Place de l'europe erlaabt war, huet sech esouwäit opgeléist. Déi Maniff vun enge 500 Leit huet sech awer séier an 2 Gruppe gespléckt, dovunner wollt eng iwwer d'Avenue de la Porte-Neuve an d'Stad kommen. Dat war den Ament, an deem de Waasserwerfer vun der belscher Police an den Asaz koum. D'Leit goufen zréck op de Rond-Point-Schuman geleet, wou se een Ament vun de Beamten iwwerwaacht ginn.

Maniff an der Stad (Samschdeg)
13 Arrestatiounen, Waasserwerfer-Asaz, Maniff opgeléist, Chrëschtmaart nees op

Ee Policebeamte gouf mat engem Knuppert attackéiert. E gouf derbäi net verwonnt.

Maniffen an der Stad: (15h40)
De Perimeter vun der Maniff gëtt vun der Police geséchert.

De Rond-Point Schuman gouf um 16.45 Auer deels nees fir den Trafic opgemaach.

Maniff an der Stad
Stand (16.30)

Een Deel vun de Manifestante sinn um 17 Auer an der Groussgaass ënnerwee gewiescht fir a Richtung Chrëschtmaart. D'Police huet si op der Héicht vun der Plëss gestoppt. Se hu sech opgeléist. D'Stëmmung ass awer ugespaant bliwwen.

De Chrëschtmaart op der Plëss gouf vun de Beamten zougemaach. Dat ass d'Schold vun de Manifestanten, sot d'Stater Buergermeeschtesch Lydie Polfer.

Um 17.30 Auer goung de Rescht vun der Maniff Richtung Gëlle Fra. D'Police huet deen Ablack gefrot, fir de Secteur ze evitéieren.

Um 18 Auer huet et geheescht, datt déi lescht 50 Manifestanten um Enn vun der Police bei der Gëlle Fra agekesselt goufen. D'Beamte hu sech du lues zréckgezunn. D'Maniff huet sech opgeléist.

De Chrëschtmaart op der Plëss ass nees opgemaach ginn.

Um Enn war et de Bilan vu 19 Leit (Stand vum Bilan um Sonndeg), déi festgeholl goufen. Et wier kee blesséiert ginn. Stand 19.30 Auer wier d'Situatioun roueg, sou d'Police.

5 Leit gi protokolléiert

Wat mat de Leit geschitt, déi interceptéiert goufen, decidéiert de Parquet. Dat sot eis de Policespriecher Frank Stoltz e Sonndeg de Moien am RTL-Interview. Se géinge fir d‘éischt fir 12 Stonnen mat op de Büro geholl ginn an da misst ee kucken, wat hinne kann virgeworf ginn, iert dann de Parquet decidéiert, ob et eng Festnam gëtt oder net. 5 Persoune gi  protokolléiert, 1 dovunner wéinst Rebellioun an 1 wéinst Besëtz vu verbuedene Waffen. A wéi enger Form dee Protokoll wäert ausfalen, ass nach net gewosst.

Eng Persoun ass e Sonndeg de Moie virun de Riichter komm a sëtzt elo an Untersuchungshaft.

E Méindeg de Moien ass de Policeminister Henri Kox live um 7.30 Auer am Journal op RTL Radio Lëtzebuerg, fir een éischten Bilan ze zéien.

Op Twitter huet de Lëtzebuerger Premier Xavier Bettel der Police Merci gesot, fir hiren Asaz.

Interview mam Policespriecher Frank Stoltz um Sonndegmoien

RTL

Mir hu bei der Police nogefrot, fir en éischte Bilan no der Manifestatioun vun e Samschdeg ze zéien.

Frank Stoltz: "U sech war et jo sou, dass d'Manifestanten am Ufank sech am predefinéierten "zone de manifestation" um Glacis, respektiv um Rond-point Schuman opgehalen haten. An duerno ass et esou komm, dass een Deel dovunner de Zoning net respektéiert haten an d'Police eben, wéi mer et gëschter op de Biller gesinn hunn, ënner anerem mam Waasserwerfer d'Leit zeréck an de Zoning drécken. Doropshin hat sech d'Manifestatioun e bëssen op der Plaz opgeléist an mir haten duerno e bëssen mat méi klengen Gruppen uechter d'Stad ze dinn. Insgesamt hunn mer gëschter bei der Manifestatioun eng 20 Leit interceptéiert, déi mer och mat op de Büro geholl hunn eben wéinst Trouble à l'ordre public oder well se Böller Richtung Police geschoss haten."

De Policespriecher Frank Stoltz (1)

Wat geschitt dann eigentlech mat de Persounen déi vun der Police festgeholl goufen?

Frank Stoltz: "Et ass u sech eng polizeilech "Gewahrsamname", do däerf ee se fir 12 Stonne mat op de Büro huelen, well se eben op der Manifestatioun opgefall woren. Sief et well se wéi gëschter deels Böller geschoss hunn, oder soss d'ëffentlech Uerdnung gestéiert hunn. Mir däerfe se fir 12 Stonne mathuelen an da muss de kucken, och no Récksprooch mam Parquet, wat mat de Leit geschitt, wat een hinne ka virwerfen an dann decidéiert de Parquet : ok Festnam oder net Festnam."

De Policespriecher Frank Stoltz (2)

Fir d‘Maniff e Samschdeg war d'Police-Presenz massiv eropgeschrauft ginn, an et gouf och Verstäerkung vun der belscher Police.

Frank Stoltz: "Et war jo net fir d'éischt, dass mer déi Ënnerstëtzung haten an och ugefrot haten. Gëschter waren zwee Peloton MO, also fir de maintien de l'ordre, vun de Belsch dobäi, an och de Waasserwerfer, deen ons wéi gesinn an der Avenue de la Porte Neuve do ënnerstëtzt hat."

De Policespriecher Frank Stoltz (3)

2 belsch Pelotonen, deemno hunn eng 60-70 belsch Policebeamten d'Lëtzebuerger Kolleegen ënnerstëtzt.

Och fir dëse Sonndeg ass eng Maniff géint d‘Corona-Mesuren an der Stad geplangt.

Frank Stoltz: "Fir haut ass eng Marche silencieuse jo geplangt. De Zoning wou manifestéiert däerf ginn, ass u sech dee selwechten, just dass et dës Kéier ëmgedréint ofleeft. Dat heescht d'Manifestatioun fänkt op der Place de l'Europe un a si ka bis op de Glacis goen. Mir hunn eis natierlech och deementspriechend opgestallt a mir hoffen, dass et haut méi en normalen Oflaf fënnt."

De Policespriecher Frank Stoltz (4)

Hei ass de Point vun der Police: (Stand e Sonndeg)

Dix-neuf personnes interpellées lors de la manifestation du 11.12.2021 à Luxembourg-Ville

Tel que communiqué suite à la manifestation à Luxembourg-Ville hier, la Police a interpellé plusieurs personnes à l'occasion de celle-ci. 14 personnes ont été interpellées au niveau administratif en relation avec les Art. 5 (4) et 14 de la Loi du 18 juillet 2018 sur la Police grand-ducale. Dans 5 cas une procédure judiciaire a été entamée, notamment pour les faits suivants : rébellion envers des agents de la Police, armes prohibées, agression et menace d'une personne, symbole ou signe propre à troubler la paix publique.

Notons que des éléments tout aussi bien administratifs que judiciaires peuvent avoir été constatés dans le chef d'une même personne.

Dans tous ces cas, la Police a dressé des procès-verbaux et rapports. Il va sans dire que d'autres faits peuvent s'ajouter les prochains jours suite aux analyses et exploitations en cours.