An de Schumann-Spideeler sinn et der 5. All déi spezialiséiert an intensivmedezinesch Better, déi am CHL virgesi sinn, déi si besat. Dat selwecht ass de Fall an den HRS-Haiser am Beräich “Pédiatrie de proximité”.
Dat alles äntwert d’LSAP-Gesondheetsministesch Paulette Lenert den DP-Deputéierte Carole Hartmann a Gilles Baum.
Eng Bronchiolite ass eng Infektiounskrankheet, déi d’Otemweeër betrëfft a virun allem fir Kanner ënner 2 Joer ka geféierlech ginn. De Virus ass héich ustiechend a verbreet sech virun allem ënnert de Kanner. Dës mussen dacks Sauerstoff kréien.https://download.rtl.lu/2022/11/15/c05249a8c78aab67dc643de522f24c66.pdfAm CHL gouf wéinst der Situatioun eng Krisenzell en Place gesat an et gëtt e Plang ausgeschafft fir ze kucken, wéi een d’Capacitéite kuerzfristeg kann eropsetzen. Da kënnt et och zu Deprogrammatiounen. Pediatresch Chirurgie-Interventiounen, déi net urgent sinn, gi verréckelt.
D’Santé huet och den Accord ginn, datt op d’Réserve sanitaire kann zeréckgegraff ginn. Et soll och eng Informatiouns- a Sensibiliséierungscampagne lancéiert ginn, heescht et nach vun der Ministesch.
