Et lafen aktuell Analysen, fir eng Ambassade an Israel an e Kooperatiounsbüro a Palestina opzemaachen.

Dat confirméiert de Lëtzebuerger DP-Ausseminister Xavier Bettel den Deputéierte vun der zoustänneger Chamberkommissioun, heescht et um Internetsite vum Parlament. Eng Decisioun wier nach net gefall. D'Wochenzeitung Lëtzebuerger Land hat e Freideg iwwert d'Iwwerleeunge vum Ausseminister beriicht.

Donieft huet de Xavier Bettel den Deputéierten Explikatioune ginn, zu den internationale Projete vun der Caritas, déi net vun der neier Entitéit HUT sollen iwwerholl ginn, nodeems 61 Milliounen Euro bei der Hëllefsorganisatioun geklaut gi waren. Reaktiounen dorop héiert Dir am Journal um 10 Auer bei de Kolleege vum Radio. E Freideg hat den OGBL den Ëmgank mat de Caritas-Mataarbechter schaarf kritiséiert an ervirgestrach, datt een nach näischt vun engem Sozialplang héieren hätt fir déi Leit, déi sollen entlooss ginn.