Zanter datt d'Belsch an Däitschland Lëtzebuerg als Risiko-Land agestuuft hunn, vergeet keen Dag ouni Annulatiounen.
Et reent reegelrecht souguer Annulatiounen, sou heescht et zum Beispill aus engem Hotel vu Klierf. Virun allem belsch Clientë géifen déi leschten 2 Deeg hir Reservatiounen ofsoen. Hei léich ee bei ronn 20 Prozent.
De Gros vun de Clienten, déi hier Hotelszëmmeren annuléieren, hunn Angscht, sech hei zu Lëtzebuerg um Covid-19 Virus unzestiechen. Si géifen net verstoen, firwat sech bei eis sou vill Mënschen infizéieren.
Zanter 150 Joer besteet dëse Familljen-Hotel zu Klierf. Et géif ee feststellen, dass ablécklech vill Lëtzebuerger reservéiere géifen.
De ganzen Horesca-Secteur hätt nom Deconfinement gutt geschafft. D'Formule "Safe to Serve" géif hir Friichten droen.
D'Sécherheetsmesurë géifen agehale ginn. Et wär falsch, dës Betriber elo ze bestrofen.
Déi Responsabel vum Horesca-Secteur vermëssen eng eenheetlech EU-Ligne an dëser sanitärer Kris.
RTL-NEWS: Horesca erënnert hir Memberen, d'sanitär Reegelen anzehalen
RTL-NEWS: Urgenten Appell fir Hëllef vun der Horesca
