An enker Zesummenaarbecht tëscht Lëtzebuerger an auslänneschen Autoritéite konnt ee presuméierten Täter an Italien gepëtzt ginn. Hie gouf leschten Donneschden u Lëtzebuerg ausgeliwwert, esou d’Police.
Da mellt d’Police nach, datt et hinnen zesumme mat de franséische Kolleege gelongen ass, fir an engem Zuch a Richtung Lëtzebuerg e presuméierten Drogendealer ze stellen. Bei dësem konnten 43 Bulle Kokain, en Handy a Sue fonnt ginn. De Parquet gouf informéiert an de Mann gouf festgeholl. Weider huet hien och mussen an de Scanner an hei war, esou d’Police, d’Resultat positiv. Op Nofro huet d’Police confirméiert, datt een am Scanner weider Bullen entdeckt huet, eng genee Unzuel konnte si awer net nennen.
