Duerch eng Chute vum Leader Francesco Bagnaia véier Ronne viru Schluss gëtt de Fabio Quartararo fir déi éischte Kéier Weltmeeschter an der MotoGP.

De Fabio Quartararo huet sech am Grousse Präis vun der Emilia-Romagna säin éischte Weltmeeschter-Titel an der MotoGP geséchert. Dat nodeems de Leader vun der Course, de Francesco Bagnaia véier Ronne viru Schluss mat sengem Gefier gefall war. D'Course zu Misano huet um Enn de Marc Marquez entscheet, dat viru sengem Landsmann aus Spuenien Pol Espargaro. De Fabio Quartararo war vun der 15. Plaz gestart an ass um Enn als neie Weltmeeschter op der véierter Plaz ukomm.

Kee gudden Dag huet dogéint de Joan Mir erwëscht, fir deen d'Course kuerz nom Depart duerch e Kontakt mam Danilo Petrucci eriwwer war. En Trouscht fir de Spuenier gouf et allerdéngs kuerz drop, wéi säi Konkurrent ëm déi drëtt Plaz aus dem General Jack Miller och vu sengem Gefier ofkomm ass.

An der Moto2 konnt sech de Sam Lowes d'Victoire virun den zwee Spuenier Augusto Fernandez an Aron Canet sécheren an an der Moto3 ass den Dennis Foggia op déi éischt Plaz gefuer.

Klickt hei, fir de Replay vun de Courssen op RTL Play ze kucken.

D'Resultater vun de Courssen

MotoGP

1 Marc MARQUEZ 41'52.830
2 Pol ESPARGARO +4.859
3 Enea BASTIANINI +12.013

Moto2

1 Sam LOWES 40'25.180
2 Augusto FERNANDEZ +1.233
3 Aron CANET +1.400

Moto3

1 Dennis FOGGIA 39'33.170
2 Jaume MASIA +0.292
3 Pedro ACOSTA +4.686

De General

MotoGP

1 Fabio QUARTARARO Yamaha FRA 267
2 Francesco BAGNAIA Ducati ITA 202
3 Joan MIR Suzuki SPA 175

Moto2

1 Remy GARDNER Kalex AUS 280
2 Raul FERNANDEZ Kalex SPA 262
3 Marco BEZZECCHI Kalex ITA 206

Moto3

1 Pedro ACOSTA KTM SPA 234
2 Dennis FOGGIA Honda ITA 213
3 Sergio GARCIA GASGAS SPA 168