An der 1. Divisioun vun der Ukraine verléiert de Gerson Rodrigues 1:2 mat Kiew géint Desna.

An der 1. Bundesliga verléiert de Laurent Jans mat Paderborn mat 1:5 géint Schalke. De Lëtzebuerger souz op en Neits just 90 Minutten op der Bänk.

An der 3. Däitscher Liga verléiert de Jeff Saibene mat Ingolstadt den 2. Match hanerteneen an dat mat 2:3 géint den Hallescher FC. An der Tabell steet Ingolstadt op der 4. Plaz.

Eng 5:0 Forfait-Victoire gouf et fir Virton géint Roeselare wëll dëse Club gouf als faillite declaréiert.

Am ukrainesche Championnat huet Kiew missen mat 1:2 géint Desna de Kierzeren zéien. De Gerson Rodrigues ass an der Paus agewiesselt ginn an doropshin ass och den Ausgläich fir Kiew gefall. Kuerz dono konnt Desna awer dann nees op 2:1 stellen.

An der ieweschter Schwedescher Divisioun verléiert Norrköping mat 0:1 auswäerts géint Malmö. De Lars Gerson stoung iwwert de ganze Match um Terrain an huet an der 58. Minutt eng giel Kaart gesinn. An der Tabell sinn si elo déi 7..

Samschdeg

An der 3. Däitscher Liga war et e Samschdeg kee gudden Dag fir d'Lëtzebuerger. Waldhof Mannheim huet mam Maurice Deville virun den eegene Spectateure mat 1:2 géint d'Würzburger Kickers verluer. De Lëtzebuerger Nationalspiller stoung déi 90 Minutten iwwer um Terrain. Fir Mannheim ass et déi éischten Néierlag an dëser Saison.

Eng Néierlag gouf et och fir Kaiserslautern. D'Ekipp vum Geschäftsmann Flavio Becca gouf auswäerts vu Meppen mat 1:6 iwwerrannt. Fir den 1. FCK ass et déi 3. Defaite am 8. Match.

Am ukrainesche Championnat huet Karpaty Lwiw mam Mavins Martins an dem Tim Hall mat 2:1 géint Worskla Poltowa gewonnen. De Martins huet den 2:1 fir seng Faarwe markéiert. Déi zwee Lëtzebuerger Nationalspiller stoungen an der Startformatioun an hunn de Match duerchgespillt.

An den USA huet New York City mam Maxime Chanot eng 2:1-Victoire géint San Jose Earthquakes gefeiert. De Lëtzebuerger Nationalspiller stoung 90 Minutten um Terrain.

Freideg

An der 2. däitscher Bundesliga gouf et eng Première fir den Dirk Carlson. De Lëtzebuerger Nationalspiller stoung fir d'éischte Kéier an der Startformatioun an huet donieft de Match och nach op en Enn gespillt. Fir de Veräin vum Carlson gouf et eng 1:0-Victoire géint Sandhausen. Den decisive Gol huet de Stiefler an der 57. Minutt geschoss.

An der Franséischer Ligue 2 gouf et e Freideg den Owend een 0:0-Remis fir de Orléans mam Vincent Thill. De Lëtzebuerger gouf an der Partie zu Ajaccio an der 70. Minutt agewiesselt.

An der Ligue 1 huet iwwerdeems Lille mat 2:1 géint Angers gewonnen. D'Ekipp vum Gérard Lopez huet duerch Goler vum Osimhen an der 39. Minutt an dem Luiz Araujo an der 53. Minutt de Match fir sech entscheet.