E Freideg den Owend schonns huet Maastricht mam Enes Mahmutovic géint Nijmegen 0:0 gespillt.

Samschdeg

Royal Excelsior Virton huet um 22. Spilldag vun der Proximus League sech mat 2:0 géint de KSV Roeselare duerch gesat. Op der Säit vu Virtron stoung de Anthony Moris, de Kevin Malget sou wéi de Aurelien Joachim vun Ufank un um Terrain. Den Dave Turpel ass de ganze Match iwwer op der Bänk bliwwen.

An der däitscher Futtball Bundesliga war Mainz dem SC Freiburg doheem mat 1:2 enerlëen. De Lëtzebuerger Nationalspiller Leandro Barreiro souz de ganze Match iwwer op der Mainzer Bänk.

An der Coupe de France huet Lille säin 1/16-Finall Match mat 2:0 géint Gonfreville gewonnen. D'Ekipp vum President Gérard Lopez steet no Goler vum Remy an der 69. Minutt an duerch den Osimhen an der 2. Minutt vun der Nospillzäit domat an der 1/8-Finall.

Freideg

An der 2. Divisioun an der Belsch stoung de Chris Philipps e Freideg den Owend net am Kader vu sengem neie Veräin Lommel. No enger Blessur aus engem Trainingsmatch ass de Lëtzebuerger Nationalspiller nach net 100 Prozent fit, fir ze spillen. Lommel huet sech no 90 Minutte mat 1:0 géint Lokeren behaapt.

An der Eerste Divisie an Holland gouf et fir Maastricht mam Enes Mahmutovic ee Punkt. D'Partie géint Nijmegen ass mat engem 0:0 op en Enn gaangen. De Mahmutovic stoung 90 Minutten um Terrain an huet an der 54. Minutt déi Kiel Kaart gesinn.