An der éischter däitscher Bundesliga am Basket verléiert d'Magaly Meynadier mat den Angels mat 60:78 zu Freiburg.

Trotz der Néierlag war d'Magaly Meynadier déi bescht Spillerin vun hirer Ekipp mat am ganze 15 Punkten, 2 Rebounds an 1 Assist. An der Tabell stinn d'Angels op der 5. Plaz an hu mat 26 Punkten e Retard vu 6 Punkten op den zweeten an 14 Punkten op den éischten.

Am Volleyball am italienesche Championnat huet de Kamil Rychlicki mat senger Ekipp Lube Civitanova an engem knappe Match mat 3:2 géint Itas Trentino gewonnen.

An der 2. Liga am Basket an Éisträich wënnt den Alex Laurent mat Fürstenfeld mat 88:57 géint Wörthersee. De Lëtzebuerger stoung knapp 29 Minutten um Terrain a koum op 10 Punkten a 7 Rebounds.