An der Premier League huet sech iwwerdeems Manchester City géint Fulham duerchgesat a Lazio Roum konnt sech an Italien géint Spezua behaapten.

An der Premier League sinn et fir Manchester City a Manchester United 3 Punkte ginn. A Spuenien konnt sech Real Madrid duerch e Selbstgol mat 1:0 géint Sevilla behaapten. Donieft huet et den Opsteiger Cadiz fäerdeg bruecht, fir no Real och den FC Barcelona ze klappen. An der Serie A ass et fir Juventus a leschter Minutt nach eng Victoire géint den FC Turin ginn.

Premier League

Manchester City - Fulham 2:0
1:0 Sterling (5'), 2:0 De Bruyne (26')

No 5 Minutten ass et dem Sterling no engem Zouspill vum De Bruyne gelongen, Manchester City fréi a Féierung ze bréngen. D'Lokalekipp huet Fulham ënner Drock gesat a sou war et an der 26. Minutt nees den De Bruyne, deen dës kéier selwer treffe konnt. Beim 2:0 ass et dann och no den éischte 45 Minutte bliwwen.

Nom Säitewiessel huet Manchester weiderhin de Match bestëmmt an hat sou bis zu 80 Prozent Ballbesëtz. Fulham konnt d'Spill net u sech rappen a sou bleift et um Enn bei enger méi wéi verdéngter 2:0-Victoire fir d'Haushären.

West Ham - Manchester United 1:3
1:0 Soucek, 1:1 Pogba (65'), 1:2 Greenwood (68'), 1:3 Rashford (78')

Chelsea - Leeds 3:1
0:1 Bamford (4'), 1:1 Giroud (27'), 2:1 Zouma (61'), 3:1 Pulisic (90+3')

Serie A

Spezia - Lazio Roum 1:2
0:1 Immobile (15'), 0:2 Milinkovic-Savic (33'), 1:2 Nzola (64')

Nodeems sech Spezia an der Defense net gutt ugeluecht huet, ass dem Immobile an der 15. Minutt den 1:0 fir Lazio gelongen. D'Lokalekipp huet awer ëmmer besser an de Match fonnt an ass ëmmer méi geféierlech no vir komm. Den zweete Gol vum Match ass no enger gudder hallwer Stonn awer nees fir de Gaascht gefall. De Milinkovic-Savic war et, dee mat engem schéine Fräistouss op 2:0 fir d'Ekipp vu Roum stelle konnt. Mat deem Stand ass déi éischt Hallschent op en Enn gaangen, an där Spezia op mannst ee Gol verdéngt hätt.

Och an der zweeter Hallschent war Spezia déi besser Ekipp, déi sech dann och an der 64. Minutt belount mat engem Gol belount huet. Den Nzola konnt sech duerchsetzen a säitlech vum Strofraum mat engem schéine Schoss op 1:2 verkierzen. Spezia war weider engagéiert, huet de Wee awer net eng zweete kéier an de géigneresche Gol fonnt. Domat steet domat zum Schluss eng 2:1-Victoire fir Lazio Roum, déi dem Spillverlaf net ganz gerecht ginn ass.

Juventus - FC Turin 1:1
0:1 Nkoulou, (9'), 1:1 McKennie (77')

Den FC Turin ass duerch e fréie Gol vum Nkoulou am Derby a Féierung gaangen a konnt sech duerno op d'Defense konzentréieren. Dat huet et Juventus immens schwéier gemaach fir sech gutt Golchancen erauszespillen. D'Gäscht hunn ëmmer nees duerch Konter de Wee no vir fonnt an no 45 Minutte stoung sou eng méi oder manner verdéngte Féierung fir den FC Turin.

Nom Säitewiessel war d'Lokalekipp weiderhin net iwwerzeegend, konnt an der 59. Minutt dann awer ausgläichen. De Gol vum Cuadrado ass nom Agräiffe vum Videoarbitter awer annuléiert ginn, well de Bonucci beim Schoss am Siichtfeld vum Golkipp stoung. Juventus ass d'Zäit fortgelaf fir nach ee Gol ze schéissen, ma an der 77. Minutt ass dem McKennie mam Kapp den Ausgläich gelongen. An der Schlussphas huet Juventus d'Victoire dann nach gericht an deementspriechend den Tempo erhéicht. Kuerz viru Schluss huet de Bonucci d'Bianconeri erléist, wéi hie mat engem Kappball op 2:1 stelle konnt. Domat wënnt Juventus, no enger schwaacher Leeschtung zemools an der éischter Hallschent, awer nach den Derby mat 2:1 géint den FC Turin.

Inter - Bologna 3:1
1:0 Lukaku R. (16'), 2:0 Hakimi (45'), 2:1 Vignato (67'), 3:1 Hakimi (70')

Ligue 1

Rennes - Lens 0:2
0:1 Kalimuendo (28'), 0:2 Ganago (78')

Montpellier - PSG 1:3
0:1 Dagba (33'), 1:1 Mavididi (41'), 1:2 Kean (77'), 1:3 Mbappé (90+1')

La Liga

FC Sevilla - Real Madrid 0:1
0:1 Bono (55')

An der éischter Hallschent huet Sevilla géint de Favoritt aus Madrid sech op déi defensiv Aarbecht konzentréiert an ass sou gutt wéi net zu offensiven AKtioune komm. Real war déi besser Ekipp, konnt sech awer keng richteg gutt Golchance erausspillen. Ouni Goler sinn déi éjscht 45 Minutten op en Enn gaangen.

No der Paus ass Sevilla da besser an de Match komm, huet sech an der 55. Minutt dann awer selwer bestroft. No enger schaarfer Flank vum Mendy war de Golkipp vum géigneresche Stiermer irritéiert ginn an huet de Ball schlussendlech an den eegene Gol bruecht. Fir de Rescht vum Match stoungen déi Kinneklech méi defensiv an d'Lokalekipp huet de Wee fir den 1:1 gesicht. Um Enn ass et awer beim 0:1 bliwwen a sou setzt sech Real Madrid knapps beim FC Sevilla duerch.

Atlético Madrid - Valladolid 2:0
1:0 Lemar (56'), 2:0 Llorente (72')

Cadiz - FC Barcelona 2:1
1:0 Gimenez (8'), 1:1 Alcala (Selbstgol, 57'), 2:1 Negredo (63')

Cadiz huet e Samschdeg den Owend fir eng weider Iwwerraschung am spuenesche Championnat gesuergt. Den Opsteiger huet no Real Madrid och den FC Barcelona geklappt. D'Haushären hunn déi 90 Minutten iwwer mat grousser Leidenschaft verteidegt an esou déi dräi Punkten doheem behalen. An der Tabell steet Cadiz elo op der 5. Plaz. Barcelona läit aktuell op der 7. Plaz an huet schonn 12 Punkte Retard op Atlético Madrid.