Zum Optakt vum 8. Spilldag an der Bundesliga huet den 1. FC Köln e Freideg den Owend géint d'TSG Hoffenheim missen untrieden.

Bundesliga

TSG Hoffenheim - 1. FC Köln 5:0
1:0 Bebou (31'), 2:0 Bebou (49'), 3:0 Baumgartner (51'), 4:0 Geiger (74'), 5:0 Posch (87')

Am Ufank vun der Partie haten et béid Ekippe schwéier an de Match eranzekommen. War déi éischt Hallschent nach eenegermoossen ausgeglach, hat et Köln dono awer nawell elle schwéier sech duerchzesetzen. Dëst ass net ouni Konsequenze bliwwen an um Enn stoung et 5:0 fir Hoffenheim. Eng batter Néierlag fir Köln, déi esou net z'erwaarde war.

Déi nächst Partien hunn et fir béid Ekippen a sech. Hoffenheim kritt et mat Bayern ze dinn an den FC erwaart Bayer Leverkusen.

Ligue 1

Paris St. Germain - Angers SCO 2:1
0:1 Fulgini (36'), 1:1 Danilo Pereira (69'), 2:1 Mbappé (87')

No der awer iwwerraschender 0:2-Néierlag géint Rennes hat de PSG nach emol d'Chance dës géint den Tabellevéierten Angers gutt ze maachen. An et gouf sech näischt geschenkt, de PSG mat méi Ballbesëtz, ma ouni präzis Golchancen an Angers konnt gutt konteren.

Mat engem 1:0 fir Angers goung et an d'Paus. Déi 2. Hallschent huet méi ausgeglach ugefaangen, ma zum Schluss huet de PSG den Drock erhéicht an Angers hat an de leschten 20 Minutte Krämpes, deem eppes entgéint ze wierken. Mat 4 Minutten Nospillzäit ass de Match 2:1 fir de PSG ofgepaff ginn.