Fir den HC Bierchem gouf et am Allersmatch a Serbien näischt ze huelen.

Den HB Esch war géint Odessa aus der Ukrain am Asaz a konnt sech virun den eegene Spectateure kloer mat 38:31 duerchsetzen. An der Paus louchen déi Escher scho mat 11 Goler vir (24:13). An der zweeter Hallschent konnten d'Lëtzebuerger de Virsprong laang halen. An der Schlussphas ass d'Ekipp aus der Ukrain awer nach eng Kéier op 7 Goler erukomm. Trotzdeem séchert den HB Esch sech eng gutt Ausgangspositioun fir de Retourmatch um Sonndeg.

Dominate Victoire fir Esch géint Odessa
Esch huet sech virun den eegene Spectateure kloer mat 38:31 géint Odessa duerchsetzen.

Bei den Dammen huet den HB Diddeleng mat 27:18 géint Metalurg Skopje gewonnen. An der Paus stoung et 12:10. Um Sonndeg steet de Retourmatch fir d'Lëtzebuergerinnen um Programm.

Iwerzeegent Victoire vum HB Diddeleng géint Skopje.
Bei den Dammen huet den HB Diddeleng mat 27:18 géint Metalurg Skopje gewonnen.

Am zweeten Tour vum EHF European Cup ass et fir Bierchem e Samschdeg den Owend eng 22:33-Defaite géint Partizan Belgrad ginn. Déi serbesch Lokalekipp huet de Match vun Ufank u bestëmmt an d'Ekipp aus dem Réiserbann op Distanz gehalen. An der Paus stoung et sou 19:11 fir de Partizan.

An der zweeter Hallschent vum Match konnten déi Bierchemer da besser mathalen an och e Wuert matschwätzen, trotzdeem konnt een de Réckstand géint staark Géigner net méi ophuelen. Um Enn entscheet Partizan Belgrad d'Partie mat 22:33 fir sech.