D'Lëscht vun de Successeure vum briteschen Troun wäert wuel eng Plaz manner hunn, wéi geduecht.

No der Gebuert vum Harry a Meghan hirem Bouf Archie ass jo geduecht ginn, dass hien elo op der 6. Plaz an der Trounfolleg géif stoen, an esou dem Harry säi Monni, de Prënz Andrew, op déi 8. Plaz erofsetzt. Dëst ass awer net de Fall. Den Harry an d'Meghan hunn nämlech op de Prënzen-Titel vum Klenge verzicht, wouduerch him eng Plaz ënnert de Successeuren net méi zousteet. Dëst muss awer net op Dauer sinn, den Archie Harrison Mountbatten-Windsor kéint am erwuessenen Alter d'Entscheedung vu sengen Elteren réckgängeg maachen. Sollt hie spéiderhin de Wonsch hunn awer en Titel ze kréien, hätt hien d'Auswahl tëschent "Lord" oder "Earl of Dumbarton".

Déi ganz Lëscht vun den Trounfolger setzt sech aus der Queen hire 4 Kanner an deenen hire Nokommen zesummen. Donieft stinn nach d'Kanner vun hirer verstuerwener Schwëster, der Prinzessin Margaret, op der Lëscht. Domadder hält et awer net op:

Eng Rei Familljemembere vun der Queen hirem Papp senger Säit zielen och zu den Trounfolger, wann och méi wäitleefeg.

Zanter 2015 gëllt, dass déi männlech Nokommen, déi nom 28 Oktober 2011 gebuer sinn, net méi iwwer hire Schwësteren an der Trounfolge stinn.

Fir der Queen hir Kanner wäert et dann méi onwahrscheinlech ginn, jeemools op dem briteschen Troun setzen ze dierfen, mee hiren eelste Jong, de Prënz Charles, dréit dofir awer den Titel vum Trounfolger Nummer 1.

Déi "offiziell" Lëscht mat Numm, Rang-Plaz a Gebuertsdatum vun deene méi noe Successeure fannt dir hei: