Nei Modeller hale sech zeréck, Volvo huet sech éischter op d’Motoregamm konzentréiert.
Mam Stroum
Deen éischte vollelektrësche Volvo, den XC40 Recharge P8 wäert um Festival leider net ausgestallt sinn. Dofir presentéiert Volvo awer nei Plugin Hybrid-Versiounen. Engersäits den XC40 T5 Twin Engine mat 262 PS Systemleeschtung an enger elektrescher Autonomie vu 54 km. Den S/V60 T8 Twin Engine ka maximal 53 km reng elektresch fueren an ass mat 390 PS gläichzäiteg d’Topversioun vun der Gamm. Geet dat net duer, da proposéiert Volvo d’Modeller S/V60 an XC60 als T8 Polestar Engineered mat 15 Extra-PS.
Facelift fir dee gréisste Volvo
Den XC90 gëtt 2020 renovéiert. Ze erkennen sinn optesch Retusche vir an hannen souwéi nei Matièren a Faarwe bannenan. Technesch sti virun allem déi nei Mildhybriden am Mëttelpunkt déi an d’Motoregamm vum XC90 grad wéi och bei anere Volvo-Modeller derbäi kommen.
