D’Elektrifikatioun bei Mini geet virun – elo stinn esouguer déi traditionell Versiounen um Programm.

Sportlech an elektresch

Bis ewell gouf et d’Topversioun nëmme mat Verbrenner, ma elo start de Mini John Cooper Works komplett elektresch. De Motor ass aus dem SE bekannt; 218 PS an 330 Nm suergen dofir dat et virugeet, a 6,7 Sekonnen ass de JCW esou op 100. Wat natierlech net feelt, dat ass den typeschen Design a Form vu Faarwen, Felgen an Aerodynamik-Elementer.

Ganz nei

Et muss ee scho méi genee kucken, mee tatsächlech sinn den “normale” Mini a säi grousse Brudder Mini Countryman fir de Festival fuschnei. Den Design vun der 5. Generatioun verzicht baussen a bannen op Extravaganze bleift ganz puristesch. Highlight si banne sécher den neien OLED-Ecran um Tableau an den topmodernen Infotainment. Bei der Motorisatioun sinn et 184 PS am Cooper E, virun allem geet d’Autonomie e gudde Krack erop an erreech elo minimum 305 km. De Countryman E leescht 204 PS a packt esouguer maximal 462 km.