Schonn zënter e Méindeg ass de SCRIPT aus dem Educatiounsministère mat enger Delegatioun zu Osaka op der Weltausstellung.

Am Kader vun der "Learning and Playing Week" bidde si zwee ganz ënnerschiddlech Ateliere fir Grouss a Kleng un. Visiteure kënnen hir eege Musek mat engem individuelle Beat komponéieren. Parallel gëtt d'Musek mat Biller verbonnen, esou datt een eng bildlech Impressioun vun eisem Land kritt.

Donieft kënnen d’Leit an engem lëschtege Quiz vill interessant Fakten iwwert de Grand-Duché léieren. Fir béid Aktivitéite brauch ee keng Virkenntnesser an huet trotzdeem Spaass. Hei e puer Andréck vu Visiteuren aus dem lëtzebuergesche Pavillon.