Wéinst der aktueller Situatioun an der Corona-Pandemie kënnt et nees méi dacks zu Ofsoe vun Evenementer.

Hei en Iwwerbléck vun den Annulatiounen, déi d'RTL-Redaktioun bis ewell matgedeelt krut.

Hutt Dir och en Event, dee wéinst der aktueller Covid-Pandemie muss ofgesot oder verréckelt ginn, sot eis Bescheed via eis Email ofgesot[at]rtl.lu.

Evenementer/Fräizäit

De Centre nature Robbesscheier mécht seng Dieren zou vum 26. November bis de 15. Dezember.

D'Frënn vum Scoutshome Jonglënster deele mat, datt den Adventsmaart 2020 zu Jonglënster ofgesot ass.
Den Ice Park zu Beefort bleift wéinst der aktueller Corona-Situatioun bis op Weideres zou, mat den Ausname vum Ice Karting, Schoulsport an Ice Hockey Training.

Den Tourist Zenter vu Clierf deelt mat, datt de Cliärrwer Chrëschtmaart ofgesot ass.

Vu Gréiwemaacher ass et d'Informatioun, datt d'Novemberkiermes an och de Chrëschtmaart ofgesot sinn.

Zu Sandweiler goufen eng Partie Manifestatiounen ofgesot:

  • De Kleeschen am Centre culturel zu Sandweiler
  • 09.12.: Seniorechrëschtfeier vun der Intergeneratiounskommissioun
  • 11.12. an 12.12.: Sandweiler Chrëschtmäertchen

D'Winterlights sinn ofgesot. Fir keng gesondheetlech Risiken anzegoen, gëtt et deemno kee Chrëschtmaart an der Stad. Och de Kleesche kënnt net an d'Stad op de Knuedler. Bäibehale gëtt awer déi feierlech Chrëschtbeliichtung. Op all aner Manifestatiounen, déi tëscht dem 20. November an dem 3. Januar sollte sinn, gëtt verzicht.

Den Escher Chrëschtmaart, dee vum 27. November bis den 23. Dezember geplangt war, gouf ofgesot. Wéi et heescht, sollen awer kleng Concerten an de Stroosse vun Esch deelweis stattfannen.

Wéinst der rezenter Entwécklung vun de COVID-19-Neiinfektioune, huet de Schäfferot vu Stroossen decidéiert folgend Manifestatiounen a Couren ofzesoen:

  • SPOLO Sports Loisirs Strassen
  • Kiermes wéi fréier
  • Bamplanzaktioun fir déi Neigebueren zu Stroossen (gëtt an d’Fréijoer 2021 reportéiert)
  • Chrëschtmaart zu Stroossen

Och d'Stater Gemeng annuléiert weider Aktivitéite wéinst de méi restriktive Covid-Mesuren:

Sou ass d'Aktioun Bambësch an der Chrëschtvakanz ofgesot, dat gëllt och fir all Indoor-Sports-Aktivitéiten am Kader vum "Sport pour tous" - d'Aktivitéiten dobausse wéi Jogging oder Walking si wéi geplangt.

Dann ass d'Äispist op der Kockelscheier och komplett zou mat der Exceptioun vun Traininge fir Clibb oder am Schoulsport.

An och all Stater Kulturzentre si vum 31. Oktober un zou, bis op Nouvel ordre.

Keng Chrëschtzäit zu Ettelbréck. D'Gemeng informéiert, dass op Grond vun der Covid-19-Pandemie verschidde Festivitéiten zum Schluss vum Joer ewechfalen oder ënnert enger anerer Form ofgehale ginn. De Kleesche geet net wéi gewinnt am Cortège duerch d’Groussgaass. Dëst Joer wäert de Kleeschen Titercher an de Klasse vun der Ettelbrécker Grondschoul verdeelen, wann d'Situatioun dat erlaabt. Den Ettelbrécker Chrëschtmaart an d'Rentnerfeier musse leider dëst Joer annuléiert ginn.

De Concert vun der Ettelbrécker Musek ass net den 5. Dezember, mee den 23. Januar.

Kee Chrëschtmaart gëtt et dëst Joer zu Mäertert. Dat huet de Fräizäitveräin Mäertert-Waasserbëlleg matgedeelt. Dat selwecht gëllt fir de Chrëschtmaart zu Déifferdeng, de Chrëschtmaart zu Mutfert an d'Chrëschtdagsfestivitéiten zu Diddeleng.

De Schäfferot vu Wolz deelt mat, datt all d'Manifestatiounen am Kader vun de "Liichtwochen", notamment de Chrëschtmaart, och ofgesot ginn.

Wéinst der aktueller sanitärer Situatioun suspendéiert d'Association luxembourgeoise des groupes sportifs oncologiques (ALGSO) hir Cours collectifs vun e Méindeg, dem 26. Oktober 2020 un, bis avis contraire.

Déi geplangte Soiréeën um Schëff "Princess Marie-Astrid" fir de Mount November goufe wéinst de Mesuren vun der Regierung ofgesot. Sonndes ginn awer d'Tier vu Gréiwemaacher aus nach organiséiert.

De Käerjenger Chrëschtmaart, dee vum 11.-13. a vum 18.-20. Dezember sollt beim Käerjenger Treff sinn, muss ofgesot ginn. Dat selwecht gëllt fir den Iechternacher Chrëschtmaart.

"Winter Moments" an der Gemeng Mamer, déi vum 27. November bis den 3. Januar sollte sinn, sinn annuléiert.

All déi bis elo geplangte Winetours mam Georges Krack am Oktober, November an Dezember 2020 sinn ofgesot.

D'Organisateure vum Wanterfest zu Rulljen hunn och decidéiert d'Fest den 19. Dezember z'annuléieren.

Kultur

Wéinst den neie Corona-Restriktiounen, déi vum 26. November u gëllen, falen eng Partie Evenementer an de Rotondes aus, mä awer net all. Hei fannt Dir den Detail.

D'Ekipp vum Kaleidoskop Theater huet matgedeelt, dass si hir Virstellunge vum "Marlboro-Mann" mussen op d'nächst Joer verleeën.

Well d'Bielesser Musek den Hämmelsmarsch fir d'Kiermes net real spille komme kënnen, maache se dat virtuell.

De Festival Rainy Days vum 12. bis den 22. November an der Philharmonie ass ofgesot. Och eng ganz Rei aner Evenementer goufen annuléiert oder verréckelt. Den Detail hei noliesen oder um Site vun der Philharmonie.

Wéinst der aktueller Entwécklung vun der Pandemie huet e Schäfferot vun Déifferdeng decidéiert, e puer Kulturevents ofzesoen:

Ausstellung
- 75e Salon de l’art vivant (21.11.-13.12.2020)
Danz

Concert vum Klaus Hoffmann am Artikus den 28. November ass op den 10. Dezember verréckelt ginn.

Den Escher Conservatoire seet all Concerte fir 2020 of. Coursë gi weiderhi gehalen.

Sport

D'Lëtzebuerger Vëlosfederatioun huet bekannt ginn, datt een an der Saison 2020/21 kee Cyclocross méi wäert fueren. Domat falen och déi national Championnater déi den 9. Januar virgesi waren, aus. Och international Deplacementer mécht 'Federatioun déi nächst 3 Woche keng méi.

Déi Lëtzebuerger Dëschtennis-Federatioun huet elo matgedeelt, datt 2020 keng Competitioune méi gespillt ginn.

Am Basketball ginn all Basketmatcher bis Enn vum Joer ofgesot.

Och am Volleyball gëtt dëst Joer keng Competitioun méi gespillt.

D'Futtballfederatioun huet matgedeelt, datt wéinst den neie Mesuren, déi vum 26. November u gëllen, keng Matcher méi dëst Joer gespillt ginn.

Am Handball sinn och alleguer d'Matcher aus den ënneschten Divisiounen an de Jugendekippen ofgesot. Donieft gouf nach d'Decisioun, datt och d'Matcher an der Axa-League bis Enn vum Joer ofgesot sinn. Dat huet d'Federatioun per Mail de Veräiner matgedeelt.

Déi 2. Editioun vum Vianden X-perience Trail powered by Securitec gëtt net de 29. November, mee de 5. Dezember 2021 organiséiert.

D'FLD (Bristle Darts Federatioun) ënnerbrécht de Championnat bis de 5. Dezember 2020. Déi 3 Spilldeeg, déi ewechfalen, ginn 2021 ageplangt fir d'Saison 20/21.

Wéinst den neie Mesuren huet och d'Keelefederatioun reagéiert an am Sportkeelen Tandem-Meeschterschafte vun den Dammen an de Senioren ofgesot. Och d'Eenzelmeeschterschafte an all déi aner Kompetitioune gi bis op Weideres net méi gespillt.

De Chrëschtlaf zu Déifferdeng, deen den 12. Dezember sollt sinn, ass ofgesot.

D'Curling-Federatioun huet de Matgedeelt, datt d'Coupe op den 12. an 13. Dezember verluecht gëtt.

Den 3-Länner-Trail gëtt op dat anert Joer 19. Dezember verluecht.

Bis den 31. Dezember huet d'Bowling-Federatioun all d'Matcher an offiziell Evenementer ausgesat.

D'Lëtzebuerger Keelefederatioun huet de Championnat 20/21 an der Sektioun "Nationale" annuléiert. Wat d'Coupe de Luxembourg betrëfft, géif nach ofgewaart ginn. Genee sou fir d'Sektioune "Sport" a "Classic".

Vun der Lasep heescht et, datt all d'Manifestatioune vum éischten Trimester, wéi och d'Journée des Dirigeants, ofgesot sinn. D'Traininge ginn awer weider ofgehalen, dat ënner strenge sanitäre Mesuren.

Covid-bedéngt hunn och d'Sportbootfürerschäiner SBF Binnen an SBF See bis nächst Joer missen ofgesot ginn.

Och d'Lëtzebuerger Schwammfederatioun huet matgedeelt, datt all hir Kompetitioune bis Enn vum Joer ofgesot sinn an dat een an där Zäit och net op d'Kompetitiounen an d'Ausland wäert goen.