An deem Kontext war e Méindeg am Nomëtteg eng Manifestatioun an der Stad. Depart war um 17 Auer op der Gare.

Gerechtegkeet vun de Salairen oder den Accès op e Logement sinn nëmmen e puer vun de Fuerderungen déi d'Plattform JIF nach emol ervirgestrach huet. Vun der Gare aus ass d'Maniff Richtung Plëss gaangen, mat engem Tëschestopp virum Aarbechtsministère. Eng Maniff a Pandemiezäiten ass natierlech anescht wéi gewinnt, mee grad duerch déi aktuell Kris wier et wichteg, op Problemer an Ongläichheeten opmierksam ze maachen.

An dofir war et fir d'JIF och immens wichteg, d'Maniff, wann och a méi klenger Form wéi zejoert a mat Distanz a Masken, z'organiséieren.

"Grad elo gëtt et eng urgence ze handelen an net sou weider ze maachen wéi virdrun", sou d'Line Wies.

All Acquis, dee sech d'Frae bis ewell erkämpft hunn, sinn de Feministinnen no net selbstverständlech a virun allem net 100 Prozent geséchert.

"Ech denken do ënnert anerem u Fäll wéi a Polen. Do gouf beispillsweis d'bestoend Avortement-Gesetz réckgängeg gemaach. Dat ass eng grouss Defaite fir d'Rechter vun de Fraen. Deemno kann een net behaapten, datt eis Conquêtë sécher sinn", esou d'Milena Steinmetzer vun der Plattform JIF – Journée internationale des Femmes.

Si a weider Membere vun der Feministinne-Plattform organiséieren zanter dem leschte Joer hei am Land de sougenannte Fraestreik. Och dëse Méindeg gouf nees zum Fraestreik opgeruff, mat ënnert anerem de Fuerderungen no méi Gerechtegkeet bei de Salairen. D’Plattform JIF setzt sech och dofir an, de Pappe-Congé vun 10 Deeg z'ersetzen duerch e Congé de naissance allongé, dee fir jidderee misst op sinn, geschlechtsneutral.

De Message misst op dësem 8. Mäerz fir jidderee kloer sinn, seet d'Jessica Lopes vun der JIF: "De Weltfraendag ass keen Dag, wou een der Fra eng Rous schenkt. Et geet ëm villes méi. Et ass wichteg, datt dësen Dag weider politiséiert gëtt."

Nämmlecht wéi zejoert stoung virun allem d'Care-Aarbecht am Fokus vun der Maniff: "Am Sozial- a Gesondheetssecteur si 67% Fraen, am Botzsecteur schaffen 83%. Dat sinn net just feminin Secteuren, mee Secteure vu Frontalieren an Auslänner, déi vu politescher Participatioun komplett ausgeschloss sinn. Dat hei ass e klore Message an den eenzegen demokratesche Wee fir déi Fraen, hire Message eriwwer ze bréngen", erkläert d'Jessica Lopes.

Op dësem Dag soll ganz besonnesch un déi Fraen a Meedercher geduecht ginn, déi uechtert d'Welt nach ëmmer vun de Männer ënnerdréckt ginn. Zousätzlech soll een awer och déi bestoend Ongläichheeten an Diskriminéierungen am eegene Land, also och zu Lëtzebuerg, ënnert d'Lupp huelen a kontestéieren. D'Plattform JIF huet dofir och dëst Joer Revendicatiounen ausgeschafft, déi hirer Meenung no wichteg sinn, fir e bessert Zesummeliewen an der Gesellschaft z'erméiglechen.

D'Politik wier gefuerdert, betount d'Line Wies: Mir ginn net op. Lescht Joer huet d'Politik gemengt "Oh wéi léif, d'Frae ginn op d'Strooss, t'ass faarweg a witzeg." Mee mir wëllen, datt se iergentwann soen: "Dat gëtt geféierlech, se maachen eis Drock a mir mussen handelen."

D'Fuerderunge vun zejoert géifen och nach dëst Joer gëllen a warscheinlech och nach an d'Zukunft, mee d'géif een net opginn, bis sech eppes deet, huet d'Line Wies nach betount.

Taina Bofferding um Plateau am Journal

Taina Bofferding am RTL-Interview
Am Kader vum Weltfraendag hu mir mat der Chancëgläichheetsministesch geschwat.

Symbolesch Aktioun um Weltfraendag

Um Weltfraendag geet et vill ëm Symbolik a Visibilitéit. De richtege Moment, fir ville Stroossen am Land en neien Numm ze ginn. Nämlech e weiblechen Numm. 15 Gemengen hu matgemaach a vill nei Schëlder opgehaangen.
Klickt hei, fir op den Artikel mat de Fotoen an dem Reportage ze kommen.

Gewalt am Stot

Um Weltfraendag ass vill iwwert d'Situatioun vun de Frae geschwat ginn. Ma dee Beräich, wou et nach e grave strukturelle Problem gëtt, ass d'Gewalt am Stot. Dass Frae vill méi dacks betraff si wéi Männer ass kee Geheimnis. Ma wéi huet sech d'Situatioun entwéckelt, notamment duerch d'Pandemie? Dem Andrée Birnbaum, Direktesch vu Femmes en Détresse, no géing et eng Diskrepanz ginn.

D'Zuele sinn nämlech an den offizielle Statistike bis ewell nach net an d'Luucht gaangen. Ma an de Consultatiounen hätte sech awer däitlech méi betraffe Persoune gemellt ewéi soss. D'Andrée Birnbaum schwätzt vun 20% a méi. D'Zuele vum Joer 2020 missten nach ausgewäert ginn, dowéinst kéint een do nach keng kloer Schlëss zéien. Ma et gëtt sech awer eng Hausse erwaart. Am Joer 2019 waren et ronn 700 Fraen, déi am Laf vum Joer betreit gi sinn. Sécherlech sinn awer och eng ganz Partie Frae betraff, déi sech net trauen, sech an engem Service ze mellen.

Extrait Andrée Birnbaum

Der Donkelziffer soll elo mat enger Applikatioun fir den Handy entgéintgewierkt ginn. Heimat solle sech d'Affer anonym an ouni direkt mat enger Persoun mussen ze schwätzen informéiere kënnen. Den Numm an de Logo vun der App sollen an der Ëffentlechkeet awer net bekannt gemaach ginn, fir dass d'Täter se net kennen. Informatioune kritt ee bei der Organisatioun Femmes en détresse.

Europäesche Verglach

Passend zum Weltfraendag huet Eurostat e puer Statistiken iwwert beruffstäteg Fraen an Europa verëffentlecht. Mat Bléck op déi sougenannten "Gender Pay Gap" koum eraus, dass 2019 de Bruttostonneloun bei Fraen an der Moyenne 14,1% ënnert deem vun de Männer louch. Am héchste war den Ënnerscheed virzejoert an Estland (21,7%), Lettland (21,2%), Éisträich (19,9%) an Däitschland (19,2%). Am niddregste war d'Differenz Eurostat no zu Lëtzebuerg mat 1,3%. Direkt virdru koume Rumänien mat 3,3%, Italien mat 4,7% an d'Belsch mat 5,8%.

RTL

© ec.europa.eu/eurostat

D'Gesondheetswiesen ass e Beräich, dee staark vu Fraen dominéiert gëtt. Vun alle Funktioune goufen der zejoert 78% vu Fraen ausgeüübt. An Estland a Litauen war 2020 esouguer iwwer 90% vum ganze Gesondheetspersonal weiblech, a Griicheland dogéint 61%. 12% vun alle beruffstätege Fraen an der EU hunn iwwerdeems d'lescht Joer am Gesondheetssecteur geschafft.

RTL

© ec.europa.eu/eurostat

Och an der Politik fënnt een ëmmer méi Fraen op wichtege Positiounen. 2020 hu si 33% vun alle Sëtz an nationale Parlamenter besat. Eng däitlech Hausse par rapport zum Joer 2004, do waren et 21%. Déi meeschte Politikerinnen un der Spëtzt zielt Schweden mat bal 50% , op zweeter Plaz Finnland mat 46% an d'Belsch kënnt mat 43% op Plaz 3. Am schlechtsten hunn Ungarn a Malta ofgeschnidde mat just 13%. Mat 32% läit de Grand-Duché liicht ënnert dem EU-Duerchschnëtt (33%).

RTL

© ec.europa.eu/eurostat

Communiqué: JIG 2021

JIF 2021: la Coopération luxembourgeoise soutient la lutte des femmes dans le monde entier (08.03.2021)

Communiqué par: ministère des Affaires étrangères et européennes / Direction de la coopération au développement et de l'action humanitaire

La Journée internationale des femmes se déroule sous le thème «Leadership féminin: Pour un futur égalitaire dans le monde de la Covid-19».
C'est un fait que la pandémie a augmenté les inégalités à travers le monde: les femmes sont aux premiers rangs de la lutte contre le virus, notamment dans les secteurs de la santé et des soins. Elles sont en outre plus souvent celles à devoir rattraper le surplus de travail résultant de la pandémie, comme p. ex. l'éducation à distance des enfants, ce qui mène à une charge de travail disproportionnée. Partout dans le monde, les femmes sont confrontées à une augmentation de la violence domestique, des tâches non rémunérées, du chômage et de la pauvreté.

Outre les obstacles sociaux et systémiques préexistants à la participation et au leadership des femmes, des nouveaux obstacles sont apparus avec la pandémie. Dans le monde entier, les femmes sont à la tête d'institutions mettant en œuvre des réponses COVID-19 efficaces et inclusives, depuis les plus hauts niveaux de prise de décision jusqu'à la prestation de services de première ligne. Bien que les femmes constituent la majorité des travailleurs de première ligne, leur représentation est disproportionnée et inadéquate dans les espaces politiques nationaux et mondiaux de la COVID-19. Respecter les droits des femmes et des filles et exploiter pleinement le potentiel de leur leadership en matière de préparation et de réaction à la pandémie est essentiel dans la riposte à la pandémie et une reconstruction plus équitable et égalitaire.

«Il faut saisir l'occasion du 'build back better' pour améliorer la participation politique des femmes, les inclure et soutenir à tous les niveaux, dans les organisations et réseaux qui les représentent, dans les processus décisionnels», rappelle Franz Fayot, ministre de la Coopération et de l'Action humanitaire, à l'occasion de la Journée internationale des femmes, «le but étant d'apporter leur perspective et expérience essentielles, afin de prévenir les reculs en matière d'égalité des genres, d'ouvrir la voie vers un avenir post-pandémique plus juste!»

La reprise post-COVID-19 est une occasion de s'attaquer aux inégalités structurelles et de construire des sociétés plus inclusives et plus égalitaires. En particulier en ces temps difficiles de pandémie sans précédent et multidimensionnelle, il est crucial que les droits des femmes et des filles soient protégés et cela inclut leur droit d'accès à la scolarité et à une santé sexuelle et reproductive complète. Dans ce contexte, la Coopération luxembourgeoise reste fermement engagée à promouvoir et à défendre la santé et les droits sexuels et reproductifs des femmes et des filles, leur droit d'accéder à une éducation de qualité et à renforcer sa lutte pour prévenir et combattre la violence sexuelle et sexiste, y compris les mutilations génitales féminines en en faisant une priorité horizontale et de soutenir les femmes de manière plus ciblée dans les forums multilatéraux, au niveau bilatéral et dans les enceintes européennes et internationales.

De même, candidat au Conseil des droits de l'homme pour le mandat 2022-2024, le Luxembourg a fait de l'égalité des genres une de ses quatre grandes priorités pour son mandat.