Si war virun 20 Joer déi éischt Kapitänin vun der Lëtzebuerger Futtball-Dammennationalekipp a bezeechent sech selwer als „Fan Nummer 1“ vun de Roude Léiwinnen.
De Moien ass d’Barbara Agostino, déi fir d’DP an der Chamber sëtzt, eis Invitée vun der Redaktioun a mir schwätze mat hir iwwer Ethik am Sport an d’Roll vum Trainer.
En anert Thema mat der Foraine a Patronne ass déi aktuell Diskussioun ëm de Mindestloun. Ass deen héich genuch oder muss de Mindestloun an d’Luucht goen? Dat froe mer déi liberal Deputéiert live vun 8 Auer un.
Rendez-vous fir den Interview mam Invité vun der Redaktioun all Dag vu méindes bis freides um 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d’Emissioun dono och am Replay ze fannen.
