Flüchtlingen, Economie, Police an d'Kritik am "Spiegel" iwwer Nieweverdéngschter vu Lëtzebuerger Beamten - dat waren e puer Sujeten um Samschdeg de Mëtteg.

Wouhinner mat de Flüchtlingen? Europa gëtt op deem Punkt kee gutt Bild of, d'Meenunge ginn auserneen, verschidde Länner wëllen iwwerhaapt net matmaachen. Dat war ee Sujet e Samschdeg an eiser Emissioun Background am Gespréich mam Etienne Schneider.

Mam Vizepremier hu mir awer och vill iwwer Economie, iwwer déi geplangte Steierreform an iwwer den Zoustand an den zwee Corpsen Police an Arméi geschwat.

AUDIO: Background am Gespréich mam Etienne Schneider
VIDEO: Etienne Schneider an der Emissioun Background
Flüchtlingspolitik, Wirtschaft, geplangte Steierreform an der aktuellen Artikel am Spiegel woren Thema.

Natierlech war och de kritesche Spiegel-Artikel en Thema: Wat huet et mam "Luxemburg-Prinzip" op sech?

RTL-NEWS mat ville Lieser-Commentairen: "Das Luxemburg-Prinzip" - Héijen Nieweverdéngscht fir Beamten: Interessenskonflikt?

VIDEO: Kritesche Spiegel-Artikel: "Das Luxemburg-Prinzip"
Et geet drëm, datt bei eis am Land héich Regierungsbeamten am Verwaltungsrot vun enger oder e puer Kapitalgesellschafte kënne sëtzen.

Déi Sujeten an nach anerer an der Emissioun "Background am Gespréich", déi ëmmer samschdes an der Mëttesstonn (vun 12 bis 13 Auer) op RTL Radio Lëtzebuerg an um Video-/Audio-Livestream um Internet leeft an dono op RTL.LU nach eemol ze lauschteren an ze kucken ass (News-Rubrik "Background" oder Radio-Rubrik "Audio-Archiv" an do no "Background" sichen).

Sonndesowes ëm 20 Auer gëtt d'Emissioun op RTL Radio Lëtzebuerg rediffuséiert. Dës ausnamsweis awer net, wéint dem Football.