Fir e Samschdeg gouf vill Reen annoncéiert, esou dat et zu Adaptatiounen am Zäitplang koum.

Op deem flaache Circuit ass et schwéier, fir d'Waasser ze evakuéieren. A well et ronderëm d'Pist wéineg Auslafzone ginn, kéint e starten ze geféierlech sinn.

D'Course vun der Formel 3 gouf scho preventiv op e Freideg virverluecht an déi geplangten F2-Course vun e Samschdeg de Moien gouf annuléiert.

Den 3. Fräien Training fir d'Formel 1 war fir 11 Auer um Samschdeg de Moie geplangt, gouf awer vun den Organisateure kuerz viru 11 Auer gestrach. D'Qualifikatioun konnt e Samschdeg de Mëtteg dunn awer wéi geplangt gefuer ginn. De Lando Norris huet sech hei seng éischte Pole a senger Karriär geséchert.

Sollt awer keng Quali méiglech sinn, gi wuel d'Resultater vum 2. fräien Training geholl, fir d'Startopstellung vun e Sonndeg ze definéieren. D'Wiederprevisioune fir den Dag vun der Course sinn nämlech däitlech besser, wéi fir e Samschdeg.

Am Fall vun eventuelle Changementer, passt RTL säi Programm un.