Eng gutt 300 Demonstranten hate sech e Samschdeg nees um Glacis getraff, fir géint déi aktuell Covidmesuren ze manifestéieren.
Eng éischt Demo, e Grupp vun 200 Persounen, ass géint 15 Auer vum Glacis a Richtung Place de l'Europe um Kierchbierg gezunn.
En anere Grupp vun ongeféier 100 Leit, eng zweet ugemellten Demo, hat de Rond-point Schuman fir e puer Stonne blockéiert. Fir kuerz Zäit gouf och den Tram-Reseau perturbéiert.
Anescht ewéi de leschte Weekend war et e Samschdeg e friddleche Marsch, sou datt d'Police kaum intervenéiert ass. Géint 17 Auer huet sech d'Maniff lues a lues opgeléist.
1 Persoun wier am Kader vun de Maniffen interpelléiert an eng juristesch Prozedur lancéiert ginn, sou d'Police e Samschdeg den Owend.
E puer honnert Polizisten, esou gouf am Virfeld bekannt, waren Asazbereet.
