Pionéier an der E-Mobilitéit war Renault mat Twizy, Kangoo a Zoé, elo gëtt och an der Kompaktklass gestart.
Avant-Première
Den Numm ass bliwwen, den Auto ee komplett aneren. De Mégane E-TECH Electric steet net nëmmen op enger neier Plattform, en dréit och als éischten den neie Markelogo a markéiert de Start an eng nei Ära. Staark inspiréiert un der Etude “Morphoz” vun 2019, soll mat geraimegem Banneraum, Fuerspaass a bis zu 470 km Autonomie an der Kompakt-Liga Punkte gesammelt ginn.
Fir d’éischt um Festival
Mam neien Arkana spréngt Renault an eng Premium-Kategorie, nämlech déi vum SUV-Coupé. D’technesch Basis kënnt vu Samsung, gebaut gëtt den Arkana a Südkorea an d’Motoren - Bensinner an Hybrid - si vun anere Renault-Modeller bekannt. Zu enger Ikon huet sech an der Tëschenzäit de Renault Kangoo entwéckelt. Déi neiste Generatioun setzt nees op vill Qualitéite vu sengem Urahn vun 1997, ënnert anerem de geraimegen a moduläre Banneraum mat natierlech e puer Nouvellen, wéi de 14 neien Assistenzsystemer. Wann déi 775 Liter Mall net duerginn, da kann den neie Trafic Passenger / Spaceclass villäicht interessant sinn. Am Kader vun engem Facelift gouf den Design vum Van méi dynamesch, de Banneraum verbessert an d’Offer u Sécherheet a Motorisatioune vergréissert.
