Tatsächlech ass zu Lëtzebuerg keng demokratesch legitiméiert Instanz fir d’Representatioun vu lokalen Interessen op nationalem Niveau virgesinn. D’Deputé-maire kënnen déi Aufgab zwar wouerhuelen, allerdéngs huet net all Gemeng e Buergermeeschter, deen och Deputéierten ass. Dozou kënnt dann nach d’Fro, ob Duebelmandater an enger Zäit, an där déi politesch Aarbecht ëmmer méi komplex gëtt, nach zäitgeméiss sinn.
An anere Länner, wéi zum Beispill Däitschland, gëtt et jo eng zweet Kummer vum Parlament, an där Vertrieder vun de Regierunge vun de Bundeslänner um legislative Prozess bedeelegt sinn. Wier esou eng zweet Kummer eng Optioun fir Lëtzebuerg. Ma brauch esou e klengt Land iwwerhaapt eng eegen Instanz fir d’Vertriedung vu lokalen Interessen?
Mir wollten och vun de Lëtzebuerger Parteie wëssen, wéi si zur Iddi vun enger zweeter Parlamentskummer stinn. Dofir hu mir hinne folgend Fro gestallt:
Brauche mer eng zweet Kummer vum Parlament, déi déi lokal Representatioun séchert?
Bereet iwwer d’Aféierung vun enger zweeter Parlamentskummer ze diskutéieren: Piraten
Bereet iwwer d’Schafe vun enger Instanz, déi d’lokal Representatioun séchert, ze diskutéieren: LSAP, DP,
Et brauch lokal Representatioun op nationalem Niveau. Eng zweet Parlamentskummer ass awer net de richtege Wee: Déi Gréng, CSV
Lëtzebuerg brauch keng nei Instanz, fir déi lokal Representatioun op nationalem Niveau ze sécheren: Déi Lénk, ADR, Fokus, Volt, KPL, Déi Konservativ
Krautmaart amplaz Clairefontainesplaz: Firwat wiele mir e Parlament a keng Regierung?
De Wielerwëllen: Muss d’Partei mat de meeschte Sëtz an der Regierung vertruede sinn?
Neien Input oder op Erfarung setzen? Sollen d’Mandatsperiode fir Ministere limitéiert ginn?
Cumul vu Muecht oder Representatioun vu lokalen Interessen? Sinn d’Duebelmandater nach zäitgeméiss?
