Zu Arel ass et änlech wéi op anere Plazen. D'Konkurrenz mat Akafszenteren an dem Onlineverkaf ass wéi zu Lëtzebuerg oder soss an der Groussregioun.

D'Geschäftsleit sinn dohier frou, dass mam Bau vum ënnerierdesche Parkhaus ënnert der Place Leopold méi Parkraum fir d'Clienten entstanen ass. 
Fir de Maart kéimen och ëmmer reegelméisseg Lëtzebuerger hir Kommissioune just hanner d'Grenz maachen. Wichteg wär et och, duerch Aktiounen an Animatiounen d'Clienten op Arel ze kréien.