Romantesch Serien (2)Gran Hotel (Netflix)

RTL Lëtzebuerg

Léift an der Zäit vum Corona: Liebespaaren, déi grausam ausernee gerappt gi wéinst gespaarte Grenzen ...

Update: 10.04.2020 16:52

Koppelen, déi brutal zesummen agespaart sinn a sech zanter Wochen net méi aus de Féiss kommen, Singelen déi aarmséileg a ganz eleng doheem setzen... Egal zu wéi enger Kategorie der gehéiert, hei sinn eng Rei Serien, déi ee ka kucken, fir erëm e bësse Romantik a säi Liewen ze bréngen.

Mir sinn 1906 an de Julio, e jonke Mann aus dem Aarbechtermilieu, kënnt op Cantaloa an den “Gran Hotel”, fir seng Schwëster Christina, wat do als Zëmmermeedche schafft, ze besichen. Wéi hien erzielt kritt, dat hat beim klauen erwëscht gouf an zanterhier net méi gesi ginn ass, decidéiert hien, als Garçon am Hotel ze schaffen, fir erauszefannen, wat mat senger Schwëster geschitt ass.

Zur gläicher Zäit gëtt d’Alicia, d’Meedche vun der Proprietär vum Hotel, der Doña Teresa, vun hirer Mamm forcéiert, den Hotel Direkter Don Diego ze bestueden. D’Alicia fënnt d’Relatioun tëscht hirer Mamm an dem Don Diego suspekt a stellt sech Froen, iwwert den Doud vun hirem Papp.

D‘Alicia an de Julio léiere sech kennen a fänken un, zesummenzeschaffen, fir d’Geheimnisser, déi se ëmginn, opzedecken. Hir Libesgeschicht entsteet lues a lues, mat villem op an of, wëll se net nëmmen déi gesellschaftlech Ënnerscheeder mussen iwwerbrécken, mä well se och d’Intrigen vun der Doña Teresa an dem Don Diego mussen iwwerstoen, déi hir eegen onéierlech Ziler verfollegen.

D’Serie weist eng Welt vun de Räichen an hirem Déngschtpersonal, änlech wéi “Downton Abbey” dat gemaach huet, mat ville verschiddene Geschichten a Personnagen. Mä dem Alicia an dem Julio hir Libesgeschicht ass d’Ursaach, firwat en echte Romantiker se kuckt.

Déi dräi Staffelen sinn op Netflix disponibel.