Mat e bëssen Interessi a Passioun kënne séier flott Sammlungen entstoen. Esou och d’privat Archive vum Anicet Schmit.
Mir sinn an eiser Serie ronderëm de Patrimoine. De Geschichtsfrënn sammelt doheem alles, wat mat Lëtzebuerg ze dinn huet. Vu Bicher an Dokumenter, eriwwer bis kuriéis Spillercher.
Esou munch ee geet eleng beim Geklimpers schonn d’Häerz op. Al, kuriéis Stécker, Spiller an Apparater vun deemools. Eng kleng Fënster, déi eis en Abléck an d’Liewe vu fréier erlaabt. Den Anicet Schmit sammelt schonn éiweg alles dat, wat mat Lëtzebuerg ze dinn huet. Wou fänkt een do un? Mir huet besonnesch d’Fixfeierkëscht mat engem klenge Réng gefall. Uewen drop eng Zort Zaang. E Lëtzebuerger Patent kréie mir gesot.
Dat meescht huet den Anicet aus anere privat Archiven. D’Communautéit tauscht dacks Dokumenter aus. Doheem gëtt alles propper archivéiert an um Computer agedroen. Mir bliedere weider duerch Zeitunge vun 1925, d’Revue an och de Feierkrop. Al Kaartematerial vun der Eisebunn a Pläng vun de Stater Rotonden. Alles Saachen, fir déi et keng richteg Plaz gëtt.
Een Dag geet mat Sécherheet net duer, fir dem Anicet Schmit säi ganzt Archiv ze duerchwullen. All Medail, Konschtwierk a mechaneschen Apparat hei hätt eng Plaz am Musée verdéngt, iergendwou, wou d’Leit et gesinn. Esou en alen Danz-Automat stéing jo gutt nees an engem Café oder net?
Et si vill flott a kuriéis Stécker dobäi. Spiller an Apparater vun deemools, déi eis e klengen Abléck an d’Liewe vu fréier erlaben. Mee wou fänkt een un? Mir hunn Iech e puer Saachen erausgesicht:
Deel 1: Fléitzen ass wéi Nätzen ouni Schlauch
Deel 2: Mir si Buch, méi streng an INPA!
Deel 3: Villa Pauly - Träppleker, déi vum Krich erzielenDeel 4: Privat-Kollektioun aus PassiounDeel 7: Kënnbakstee Boukels - zaart an delikat ënnert den Hummer
