Serië mat weiblechen Actionhelden (1)Absentia (Amazon)

RTL Lëtzebuerg

Dës Woch proposéiere mer iech 5 Serien, wou d'Fraen deene Béisen d'Lieiwen esou richteg zur Hell maachen.

Update: 20.04.2020 14:11

D’Emily Byrne, eng FBI-Agentin, ass op der Juegd no engem Serie-Killer zu Boston, wéi se spuerlos verschwënnt.

Nodeems ee jorelaang no hir gesicht huet, léist hire Mann, och en FBI-Agent, se fir dout erklären a bestit sech nei.

Sechs Joer méi spéit fënnt d’Police d’Emily, mäe si erënnert sech net méi, wie si all déi Zäit gefaange gehalen huet, nëmmenn dass si an engem Waassertank agespaart war.

D’Stana Katic ass duerch “Castle” bekannt ginn a spillt hei eng Fra, déi traumatiséiert ass vun deem, wat hir ugedoen ginn ass an d’Konsequenzen, déi dat fir hir Famill hat, mä sech net gëtt, no de Leit ze sichen, déi responsabel duerfir sinn, esouguer, wéi si selwer op emol verdächtegt gëtt, e Mäerder ze sinn.

Deels Psycho-Thriller, deels Action-Show, bréngt „Absentia“ et fäerdeg, eng düster Atmosphär ze entwéckelen, wou Kampfzeenen an emotional Dialogen zou enger origineller an komplexer Geschicht ginn.

D’Serie selwer ass eng amerikanesch Produktioun, déi awer zum gréissten Deel a Bulgarien gedréit ginn ass.

Déi zwou éischt Staffelen sinn disponibel op Amazon Prime, eng Drëtt soll deemnächst kommen.