RTL - Serie CNS (30. Deel): Pied diabétique - méiglech Folleg vun der Zockerkrankheet

An der 30. Episode vun eiser Serie iwwer d'Gesondheetskeess geet et ëm de Pied diabétique.

Dat ass eng méiglech Folleg vun der Zockerkrankheet: De Fouss vum Patient ass an deem Fall vill manner empfindlech fir Wéi. Dat kann dozou féieren, dass Blessuren ze spéit erkannt ginn, de Fouss sech entzünt an am schlëmmste Fall muss amputéiert ginn. Fir dass et net esou wäit kënnt, brauche concernéiert Leit e spezielle Schong.

AUDIO: Serie CNS (30. Deel) - Pied Diabétique

Wann d'Krankheet nach net wäit evoluéiert ass, kann och eng Einlag duergoen. All Assuré bei der Gesondheetskeess, huet e Recht op dës Prestatioun. Et gëtt awer ee festgeluechten Oflaf, deen de Gaston Fischer, Assistant Projets bei der CNS, erkläert.

De Gaston Fischer:Wann den Dokter d'Krankheet bei engem Assuré feststellt, da mécht hien eng Verschreiwung fir Schong, Einlagen oder déi zwee – jee nom Zoustand vum Fouss. An engem spezielle Formulaire muss den Dokter den Zoustand vum Fouss dokumentéieren. E Spezialist, zum Beispill en Orthopäd, préift dann dëse Protokoll. An e mécht och en Ofdrock vum Fouss.

De Spezialist mécht dann och en Devis fir déi verschriwwe Prestatiounen. D'Demande gëtt beim CNS vun Doktere kontrolléiert. An eréischt duerno ginn d'Schong oder d'Einlage gemaach.

De Gaston Fischer: Bei der Liwwerung gëtt och nach eng Kéier eng Podographie an eng Ënnersichung vum Fouss gemaach. De Contrôle Médical préift dann, ob d'Leeschtung vum Schong deem entsprécht, wat verschriwwe gi war.

D'Gesondheetskeess iwwerhëlt de Gros vun de Käschte fir dësen individuelle Schong. Den Assuré leet awer 99 Euro an 32 Cent bäi.

De Gaston Fischer:Do kann nach ee Supplement dobäi kommen, wann de Prestataire eppes un der Optik vum Schong changéiere wëll. Dës Extraen däerfen awer net méi wéi 127 Euro an 13 Cent kaschten. A se ginn och net vun der Gesondheetskeess iwwerholl.

Schong hale jo net éiweg. Wéi dacks huet e Patient dann e Recht op dës Prestatioun?

De Gaston Fischer: Wann ee se fir d'éischt verschriwwe kritt, dann huet een zwee Puer Schong zegutt. Dat kënne Stroosse-Schong an och Schong fir am Haus sinn.

Duerno hänkt et da ganz spezifesch vun der Situatioun vum Patient of.

D'CNS-Serie am Iwwerbléck

Serie CNS (1. Deel) - D’Kompetenze vun der Gesondheetskeess.

Serie CNS (2. Deel) - Affiliatioun, Co-Assurance oder Assurance Volontaire.

Serie CNS (3. Deel) - Wéi eng Servicer gi fir Frontalieren ugebueden?

Serie CNS (4. Deel) - "Prestations en nature" vun der CNS.

Serie CNS (5. Deel) - Wat huet ee bei den Zänn zegutt? A wat net?

Serie CNS (6. Deel) - Wa mäi Kand elo eng Bréck brauch, kënnt d'CNS dofir op?

Serie CNS (7. Deel) - Wat huet ee beim Brëll ze gutt?

Serie CNS (8. Deel) - Wat kritt ee fir Kontaktlënsen zeréck?

Serie CNS (9. Deel) - UPDATE - Wéini brauch ech e Krankeschäin an däerf ech e briechen?

Serie CNS (10. Deel) - Wat däerf een a wat net, wann een am Krankeschäin ass?